ഉത്ത​ര്‍​പ്ര​ദേ​ശി​ലെ ഉ​ന്നാ​വ​യി​ല്‍ പീ​ഡ​ന​പ​രാ​തി ന​ല്‍​കി​യ യു​വ​തി​യെ ജാ​മ്യ​ത്തി​ലി​റ​ങ്ങി​യ പ്ര​തി​യ​ട​ക്ക​മു​ള്ള​വ​ര്‍ ചേ​ര്‍​ന്ന് തീ​കൊ​ളു​ത്തികൊല്ലാൻ ശ്രമം. പെ​ണ്‍​കു​ട്ടി​യെ ഗു​രു​ത​രാ​വ​സ്ഥ​യി​ല്‍ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. സം​ഭ​വ​വു​മാ​യി ബ​ന്ധ​പ്പെ​ട്ട് മൂ​ന്നു പേരെ പോലീസ് ക​സ്റ്റ​ഡി​യി​ലെ​ടു​ത്തു. ര​ണ്ടു പേ​ര്‍​ക്കാ​യി തെ​ര​ച്ചി​ല്‍ തു​ട​രു​ക​യാ​ണ്.

ഉ​ന്നാ​വി​ലെ ഹി​ന്ദു​ന​ഗ​ര്‍ ഗ്രാ​മ​ത്തി​ലാ​ണ് സം​ഭ​വം. റെ​യി​ല്‍​വേ സ്‌​റ്റേ​ഷ​നി​ലേ​ക്ക് പോ​യി​ക്കൊ​ണ്ടി​രു​ന്ന യു​വ​തി​യെ ത​ട്ടി​ക്കൊ​ണ്ടു​പോ​യി പെ​ട്രോ​ളൊ​ഴി​ച്ച്‌ തീ​കൊ​ളു​ത്തു​ക​യാ​യി​രു​ന്നു. കേ​സി​ല്‍ ജാ​മ്യ​ത്തി​ലി​റ​ങ്ങി​യ പ്ര​തി​യും സു​ഹൃ​ത്തു​ക്ക​ളും ചേ​ര്‍​ന്നാ​ണ് വ​യ​ലി​ല്‍ വ​ച്ച്‌ കൊ​ല്ലാ​ന്‍ ശ്ര​മം ന​ട​ത്തി​യ​ത്.

ഗു​ര​ത​ര​മാ​യി പ​രി​ക്കേ​റ്റ യു​വ​തി​യെ ആ​ദ്യം സ​മീ​പ​മു​ള്ള സ​ര്‍​ക്കാ​ര്‍ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചി​രു​ന്നു. പി​ന്നീ​ട് ല​ക്നോ​വി​ലെ ആ​ശു​പ​ത്രി​യി​ലേ​ക്ക് മാ​റ്റി. 85 ശ​ത​മാ​ന​ത്തോ​ളം പൊ​ള്ള​ലേ​റ്റ ഇ​രു​പ​ത്തി​മൂ​ന്നു​കാ​രിയുടെ നില അതീവ ഗുരുതരമാണ്. തീ ​കൊ​ളു​ത്തു​ന്ന​തി​ന് മു​മ്ബ് പ്ര​തി​ക​ള്‍ വീ​ണ്ടും കൂ​ട്ട​മാ​ന​ഭം​ഗം ന​ട​ത്തി​യ​താ​യും പോ​ലീ​സ് സം​ശ​യി​ക്കു​ന്നു.

ബ​ലാ​ത്സം​ഗ​ത്തി​ന് ഇ​ര​യാ​ക്കി​യെ​ന്ന് ക​ഴി​ഞ്ഞ മാ​ര്‍​ച്ചി​ലാ​ണ് യു​വ​തി​യെ പോ​ലീ​സി​ല്‍ പ​രാ​തി ന​ല്‍​കി​യ​ത്. കേ​സി​ല്‍ ഒ​രാ​ളെ അ​റ​സ്റ്റ് ചെ​യ്തെ​ങ്കി​ലും പി​ന്നീ​ട് വി​ട്ട​യ്ക്കു​ക​യാ​യി​രു​ന്നു. കേ​സി​ന്‍റെ വി​ചാ​ര​ണ​യ്ക്ക് വേ​ണ്ടി യു​വ​തി​യെ കോ​ട​തി​യി​ലേ​ക്കു പോ​കും വ​ഴി​യാ​ണ് ഇ​യാ​ളും മ​റ്റ് പ്ര​തി​ക​ളും ചേ​ര്‍​ന്നു തീ​കൊ​ളു​ത്തി​യ​തെ​ന്നാ​ണ് റി​പ്പോ​ര്‍​ട്ട്.

നേ​ര​ത്തെ, ഉ​ന്നാ​വി​ല്‍ നേ​ര​ത്തെ ബി​ജെ​പി എം​എ​ല്‍​എ ഉ​ള്‍​പ്പെ​ട്ട മ​റ്റൊ​രു ബ​ലാ​ത്സം​ഗ കേ​സ് രാ​ജ്യ​ത്ത് ച​ര്‍​ച്ച​യാ​യി​രു​ന്നു. എം​എ​ല്‍​എ​യ്ക്കെ​തി​രെ പ​രാ​തി ന​ല്‍​കി​യ പെ​ണ്‍​കു​ട്ടി റാ​യ്ബ​റേ​ലി​യി​ലു​ണ്ടാ​യ കാ​റ​പ​ക​ട​ത്തി​ല്‍ പ​രി​ക്കേ​റ്റ് ആ​ശു​പ​ത്രി​യി​ല്‍ ചി​കി​ത്സ​യി​ല്‍ ക​ഴി​യു​ക​യാ​ണ്.