ആദ്യ ബലാത്സംഗ കേസില്‍ രാഹുൽ മാങ്കൂട്ടത്തിൽ എംഎൽഎ ചോദ്യം ചെയ്യലിന് ഇന്ന് ഹാജരായി. പേരൂർക്കട അഗസ്ത്യ ഗസ്റ്റ് ഹൗസിലായിരുന്നു ചോദ്യം ചെയ്യൽ. വൈകിട്ട് 4 മണി വരെയാണ് രാഹുലിനെ ചോദ്യം ചെയ്തത്. കേസിൽ നേരത്തെ രാഹുലിന് ഹൈക്കോടതി ജാമ്യം അനുവദിച്ചിരുന്നു. ഇന്ന് ചോദ്യം ചെയ്യലിന് ഹാജരാകണമെന്നും നിർണയാക തെളിവായ മൊബൈൽ ഫോൺ പരിശോധനയ്ക്കായി കൈമാറണമെന്നുമുള്ള കർശന ഉപാധികളോടെയാണ് ജാമ്യം ലഭിച്ചത്. മറ്റ് രണ്ട് ബലാത്സംഗ കേസുകളിൽ നേരത്തെ കീഴ്കോടതികൾ രാഹുലിന് ജാമ്യം അനുവദിച്ചിരുന്നു.

അടിച്ചമർത്താൻ നോക്കുന്നവർക്ക് മുന്നിൽ നെഞ്ചുവിരിച്ചുതന്നെ നിൽക്കും! പാലക്കാട് എംഎൽഎ ഇന്ന് ചോദ്യം ചെയ്യൽ മുറിയിലേക്ക് നടന്നു കയറിയത് തലകുനിക്കാനല്ല, മറിച്ച് ആരോപണങ്ങളുടെ ചീട്ടുകൊട്ടാരങ്ങൾ പൊളിച്ചടുക്കാനാണ്! തിരുവനന്തപുരം പേരൂർക്കട പോലീസ് ക്ലബ്ബിന്റെ പടികൾ രാഹുൽ മാങ്കൂട്ടത്തിൽ കയറുമ്പോൾ അത് വെറുമൊരു ഹാജരാകൽ മാത്രമല്ല; രാഷ്ട്രീയ വേട്ടയാടലുകൾക്ക് നിയമം കൊണ്ട് മറുപടി നൽകാനുള്ള ചങ്കൂറ്റത്തിന്റെ തുടക്കം കൂടിയാണ്.

ആദ്യ കേസിൽ ജാമ്യം കിട്ടിയതിന് തൊട്ടുപിന്നാലെ അന്വേഷണ സംഘത്തിന് മുന്നിലെത്തിയത് രാഹുലിന്റെ ആത്മവിശ്വാസമാണ് വ്യക്തമാക്കുന്നത്. ഒന്നിന് പുറകെ ഒന്നായി പീഡന പരാതികൾ കെട്ടിച്ചമച്ച്, 'അപൂർവ്വമായ' വേഗതയിൽ രഹസ്യമൊഴികൾ രേഖപ്പെടുത്തി ഒരു ജനപ്രതിനിധിയെ കുടുക്കാൻ നോക്കുന്നവർക്ക് ഇനി സംഭവിക്കുന്നത് എന്തായിരിക്കും..?