ബിജെപിയുടെ പുരുഷാധിപത്യ രാഷ്ട്രീയത്തിന് മറുപടി നല്കാന് മമത ബാനര്ജിക്ക് കഴിയുമെന്ന് സഞ്ജയ് ബാരു
ബിജെപിയുടെ പുരുഷാധിപത്യ രാഷ്ട്രീയത്തിന് മറുപടി നല്കാന് മമത ബാനര്ജിക്ക് കഴിയുമെന്ന് മുന് പ്രധാനമന്ത്രി മന്മോഹന് സിങ്ങിന്റെ ഉപദേഷ്ടാവായിരുന്ന സഞ്ജയ് ബാരു. പശ്ചിമബംഗാള് മുഖ്യമന്ത്രി മമത ബാനര്ജിയും തമിഴ്നാട് മുഖ്യമന്ത്രി എം.കെ. സ്റ്റാലിനും മുന്നണിയെ നയിക്കാന് യോഗ്യരാണെന്ന് സഞ്ജയ് ബാരുവും മുതിര്ന്ന നേതാവ് മണിശങ്കര് അയ്യരും അഭിപ്രായപ്പെട്ടു.
നിലവില് ഇന്ത്യയില് ഒരു രാഷ്ട്രീയ പാര്ട്ടിയുടെയും സംസ്ഥാന ഭരണകൂടത്തിന്റെയും തലപ്പത്തുള്ള ഏക വനിത എന്ന നിലയില് മമതയ്ക്ക് സവിശേഷമായ സ്ഥാനമുണ്ടെന്ന് അദ്ദേഹം ചൂണ്ടിക്കാട്ടി.സ്വയം വളര്ന്നുവന്ന കരുത്തുറ്റ നേതാവെന്ന നിലയില് ബിജെപി നേടിയെടുത്ത സ്ത്രീ വോട്ടുകളില് വിള്ളല് വീഴ്ത്താന് മമതയുടെ നേതൃത്വത്തിന് സാധിക്കും.
'രാജ്യത്തിന് ഒരു വനിതാ പ്രധാനമന്ത്രി ഉണ്ടായിട്ട് കാലമേറെയായി' എന്നും അദ്ദേഹം ഓര്മ്മിപ്പിച്ചു. 2026ല് നിയമസഭാ തിരഞ്ഞെടുപ്പ് നടക്കാനിരിക്കുന്ന ബംഗാളില് മമതയുടെ പ്രസക്തി ദേശീയ തലത്തിലും മാറ്റമുണ്ടാക്കുമെന്നാണ് അദ്ദേഹത്തിന്റെ വിലയിരുത്തല്. അതേസമയം, മുന്നണിയെ ഏകോപിപ്പിക്കാന് ഏറ്റവും അനുയോജ്യന് തമിഴ്നാട് മുഖ്യമന്ത്രി എം.കെ. സ്റ്റാലിനാണെന്ന് മണിശങ്കര് അയ്യര് പറഞ്ഞു.
ഫെഡറലിസവുമായി ബന്ധപ്പെട്ട വിഷയങ്ങള് ദേശീയതലത്തില് സജീവമാക്കുന്നതില് സ്റ്റാലിന് വിജയിച്ചതായി അദ്ദേഹം വ്യക്തമാക്കി. രാഹുല് ഗാന്ധിക്ക് പ്രധാനമന്ത്രിയാകാനുള്ള വഴിയൊരുക്കാന് മുന്നണിയെ ശക്തമായി നയിക്കുന്ന ഒരു ചെയര്മാന് ആവശ്യമാണെന്നും ആ സ്ഥാനത്തേക്ക് സ്റ്റാലിന് വരുന്നത് രാഹുലിന്റെ സാധ്യതകള്ക്ക് തടസ്സമാകില്ലെന്നും അയ്യര് കൂട്ടിച്ചേര്ത്തു. സ്റ്റാലിന്റെ നേതൃത്വത്തില് പ്രാദേശിക കക്ഷികളെ ഒരുമിച്ച് നിര്ത്താന് എളുപ്പമാകുമെന്നാണ് അദ്ദേഹത്തിന്റെ പക്ഷം.
https://www.facebook.com/Malayalivartha
