അലഹബാദ് കോടതിയില് പോലീസിന്റെ വെടിയേറ്റ് അഭിഭാഷകന് മരിച്ചു
അലഹബാദ് ജില്ലാ കോടതി വളപ്പില് അഭിഭാഷകര്ക്കു നേരെ പൊലീസ് സബ് ഇസ്പെക്ടര് വെടിയുതിര്ത്തതിനെ തുടര്ന്ന് ഒരു അഭിഭാഷകന് കൊല്ലപ്പെട്ടു. അഭിഭാഷകനായ റോഷന് അഹമ്മദാണ് കൊല്ലപ്പെട്ടത്. ഫിറോസ് നബിയെന്നയാളെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. ശൈലേഷ് കുമാര് എന്ന സബ് ഇന്സ്പെക്ടറാണ് വെടിയുതിര്ത്തതെന്ന് അഭിഭാഷകര് ആരോപിച്ചു.
അലഹബാദ് ജില്ലാ കോടതിയില് ബുധനാഴ്ച ഉച്ചയ്ക്ക് രണ്ട് മണിയോടെയാണ് അനിഷ്ട സംഭവങ്ങളുണ്ടായത്. ഒരു സംഘം അഭിഭാഷകര് പ്രതിഷേധവുമായി തനിക്കു നേരെ അടുത്തതിനെ തുടര്ന്ന് സബ് ഇന്സ്പെക്ടര് സ്വയരക്ഷാര്ത്ഥം വെടിയുതിര്ക്കുകയായിരുന്നുവെന്നാണ് സൂചന. രോഷാകുലരായ അഭിഭാഷകര് പൊലീസിനു നേരെയും മുതിര്ന്ന ഉദ്യോഗസ്ഥര്ക്കു നേരെയും കല്ലേറു നടത്തി.
സംഭവത്തില് പ്രകോപിതരായ അഭിഭാഷകര് പൊലീസുകാര്ക്ക് നേരെ കല്ലേറു നടത്തുകയും സര്ക്കാര് വാഹനങ്ങള്ക്ക് തീയിടുകയും ചെയ്തു.
ജില്ലാ കോടതിയ്ക്കു അഞ്ച് കിലോമീറ്റര് അകലെയുള്ള ഹൈക്കോടതി പരിസരത്തും പൊലീസിനു നേരെ രൂക്ഷമായ കല്ലേറുണ്ടായി. തിരക്കേറിയ അലഹബാദ്കാണ്പൂര് ദേശീയപാത അഭിഭാഷകര് ഉപരോധിച്ചു. പൊലീസ് ജീപ്പുകളടക്കം നാലോളം സര്ക്കാര് വാഹനങ്ങള്ക്ക് തീവച്ചു. തുടര്ന്ന് ഹൈക്കോടതിയില് നിന്നും മുതിര്ന്ന ജഡ്ജിമാരെത്തി അഭിഭാഷകരെ പിന്തിപ്പിക്കുകയായിരുന്നു. ജില്ലാ കോടതിയിലെത്തി സ്ഥിതിഗതികള് നേരിട്ട് വിലയിരുത്താമെന്ന് ജഡ്ജിമാര് ഉറപ്പു നല്കിയതിനെ തുടര്ന്നാണ് അഭിഭാഷകര് പിന്മാറിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha