ഗാന്ധിജിക്കെതിരെ കട്ജുവിന്റെ പരാമര്ശം: പരാമര്ശത്തെ അപലപിച്ച് രാജ്യസഭ പ്രമേയം പാസാക്കി
ദിവസങ്ങള്ക്ക് മുമ്പാണ് സുപ്രീംകോടതി മുന് ജഡ്ജി മാര്ക്കണ്ഡേയ കട്ജു തന്റെ ബ്ലോഗിലൂടെ മഹാത്മാ ഗാന്ധിക്കെതിരെ പരാമര്ശം ഉന്നയിച്ചത്. എന്നാല്, കട്ജുവിന്റെ പരാമര്ശത്തെ അപലപിച്ച് രാജ്യസഭ പ്രമേയം പാസാക്കി. പ്രതിപക്ഷ എം പിമാരാണ് വിഷയം ഉന്നയിച്ചത്. കട്ജുവിനെതിരെ നടപടിയെടുക്കണമെന്നും എം പിമാര് ആവശ്യപ്പെട്ടു. മഹാത്മാ ഗാന്ധി ബ്രിട്ടീഷ് ഏജന്റായിരുന്നുവെന്നാണ് കട്ജു ഉന്നയിച്ച പ്രധാന പരാമര്ശം. ഗാന്ധിജി ബ്രിട്ടീഷ് ഏജന്റായിരുന്നുവെന്നത് കൂടാതെ സ്വാതന്ത്ര്യത്തിന് വേണ്ടി ധീരസമരം നയിച്ച നേതാജി സുഭാഷ് ചന്ദ്രബോസ് ജപ്പാന്കാരനുമാണെന്ന പരാമര്ശം അനുചിതമാണെന്നും സഭ ഒന്നടങ്കം അപലപിക്കുന്നതായും ചെയര്മാന് ഹമീദ് അന്സാരി പറഞ്ഞു. പ്രതിഷേധത്തില് പങ്ക് ചേരുന്നതായി മന്ത്രി അരുണ് ജെയ്റ്റ്ലി വ്യക്തമാക്കി.
ഇന്ത്യയുടെ ചരിത്രത്തില് ചോദ്യം ചെയ്യപ്പെടാനാവാത്ത വ്യക്തിത്വമാണ് ഗാന്ധിജിയെന്നും അദ്ദേഹം കൂട്ടിച്ചേര്ത്തു. ഇത്തരം മനോഭാവമുള്ളവര് സുപ്രീംകോടതി ജഡ്ജി പദവിയിലെത്തുന്ന സാഹചര്യമാണ് ഇത് പ്രതിഫലിപ്പിക്കുന്നതെന്നും ജെയ്റ്റ്ലി ചൂണ്ടിക്കാട്ടി. ബ്രിട്ടീഷുകാരുടെ ഏജന്റായി പ്രവര്ത്തിച്ചതിലൂടെ ഇന്ത്യയോട് വലിയ ദ്രോഹമാണ് ഗാന്ധിജി ചെയ്തത്. സത്യാഗ്രഹ സമരം ആവിഷ്കരിച്ചത് ബ്രട്ടീഷ് ഭരണത്തിനെ സഹായിക്കാനായിരുന്നുവെന്നും ജസ്റ്റിസ് കട്ജു തന്റെ ബ്ലോഗിലൂടെ വ്യക്തമാക്കിയിരുന്നു. ഗാന്ധിയുടെ സാമ്പത്തിക ആശയങ്ങള് വ്യവസായവല്ക്കരണത്തെയും അതുവഴി ഇന്ത്യയുടെ വികസനത്തെയും തടയുന്നതായിരുന്നു.
വിഭജിച്ച് ഭരിക്കുക എന്ന ബ്രിട്ടീഷ് നയം നടപ്പാക്കുന്നതിനായിരുന്നു ഗാന്ധിജി രാമരാജ്യം എന്ന ആശയം മുന്നോട്ട് വച്ചത്. ഇതിന് പുറമെ ഗോരക്ഷ, ബ്രഹ്മചര്യം, ജാതി സമ്പ്രദായം തുടങ്ങി ഹിന്ദു ആശയങ്ങള്ക്കാണ് ഗാന്ധിജി മുന്ഗണന നല്കിയതെന്നും ബ്ലോഗില് പറഞ്ഞിട്ടുണ്ട്. ബ്രിട്ടീഷ് ഭരണത്തിനെതിരെ ഉയര്ന്ന ജനവികാരം അക്രമാസക്തമായപ്പോള് അതിനെ വഴിതിരിച്ച് വിട്ട് സത്യാഗ്രഹം എന്ന ലേബലില് ഭരണകൂടത്തിന് അനുകൂലമാക്കിയെന്നും ഗാന്ധിജിക്കെതിരെ ജസ്റ്റിസ് കട്ജു ബ്ലോഗില് വ്യക്തമാക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha