ചുമച്ച് കൊറോണ പരത്താനിറങ്ങിയ മുജീബ്; പൊതുസ്ഥലങ്ങളില്‍ പരസ്യമായി ചുമച്ച് വൈറസ് പരത്തണമെന്ന് സമൂഹ മാദ്ധ്യമങ്ങളില്‍ പ്രചരിപ്പിച്ചതിന് അറസ്റ്റിലായ സോഫ്‌റ്റ്വേര്‍ എന്‍ജിനീയര്‍ മുജീബ് മുഹമ്മദ്ുമായി ബന്ധപ്പെട്ട കൂടുതല്‍ വിവരങ്ങള്‍ പുറത്ത്
രാജ്യമെമ്പാടും പടര്‍ന്നുപിടിച്ച കൊറോണ വൈറസിനെ പിടിച്ചുകെട്ടാനുള്ള കഠിന പരിശ്രമത്തിലാണ് രാജ്യം. രോഗം വ്യാപനം തടയുന്നതിനായി 21 ദിവസത്തേക്കാണ് രാജ്യം സമ്പൂര്‍ണമായി അടച്ചിട്ടിരിക്കുന്നത്. രോഗികളുടെ എണ്ണത്തില്‍ വര്‍ധനയുണ്ടെങ്കിലും കാര്യങ്ങള്‍ ഇതുവരെ നിയന്ത്രണ വിധേയമാണെന്നാണ് നിലവിലെ കണക്കുകള്‍ സൂചിപ്പിക്കുന്നത്. തോളോടുതോള്‍ ചേര്‍ന്ന്ാണ് കേന്ദ്ര-സംസ്ഥാന സര്‍ക്കാരുകള്‍ പ്രതിരോധ പ്രവര്‍ത്തനങ്ങള്‍ മുന്നോട്ടുപോകുന്നത്. കൂലിപ്പണിക്കാരന്‍ പോലും പട്ടിണി കിടന്നും രാജ്യത്തേര്‍പ്പെടുത്തിയ നിയന്ത്രണങ്ങളോട് സഹകരിക്കുകയാണ്. എന്നാല്‍ അതിനിടെയിലും ചിലര്‍ കൊറോണ പരത്താനും സമൂഹത്തെ ആപത്തിലാക്കാനും ആഹ്വാനം ചെയ്യുന്നുണ്ടെന്ന ഞെട്ടിക്കുന്ന വാര്‍ത്തകളും പുറത്തുവന്നിരുന്നു.
പൊതുസ്ഥലങ്ങളില്‍ പരസ്യമായി ചുമച്ച് വൈറസ് പരത്തണമെന്ന് സമൂഹ മാദ്ധ്യമങ്ങളില്‍ പ്രചരിപ്പിച്ചതിന് അറസ്റ്റിലായ സോഫ്‌റ്റ്വേര്‍ എന്‍ജിനീയര്‍ മുജീബ് മുഹമ്മദ്ുമായി ബന്ധപ്പെട്ട കൂടുതല്‍ വിവരങ്ങള്‍ പുറത്തുവന്നു. ഇയാള്‍ വിവാദ തീവ്ര ഇസ്ലാമിക മത പ്രഭാഷകന്‍ സാക്കിര്‍ നായിക്കിന്റെ അനുഭാവിയാണെന്നാണ് റിപ്പോര്‍ട്ട്. സമൂഹ മാദ്ധ്യമങ്ങളില്‍ ഇയാള്‍ സാക്കിര്‍ നായിക്കിന്റെ മത പ്രഭാഷണങ്ങള്‍ പങ്കുവെച്ചിട്ടുണ്ടെന്ന് പോലീസ് നടത്തിയ അന്വേഷണത്തില്‍ കണ്ടെത്തി. സാക്കിര്‍ നായിക്കിന്റെ പ്രഭാഷണങ്ങള്‍ ഇയാള്‍ സ്ഥിരമായി ലൈക്ക് ചെയ്യുകയും ഷെയര്‍ ചെയ്യുകയും ചെയ്യുന്നതായി കണ്ടെത്തിയിട്ടുണ്ടെന്ന് പോലീസ് പറഞ്ഞു. മറ്റ് മതങ്ങള്‍ക്കെതിരെ ഇയാള്‍ പ്രകോപനപരമായ പോസ്റ്റുകള്‍ ഇടാറുണ്ടെന്നും പോലീസ് വ്യക്തമാക്കി. വൈറസ് പരത്തണമെന്ന് സമൂഹ മാദ്ധ്യമങ്ങളില്‍ ആഹ്വാനം നടത്തിയതിന് ഇന്‍ഫോസിസ് ഇയാളെ ജോലിയില്‍ നിന്നും പിരിച്ചുവിട്ടിരുന്നു.
പൊതുസ്ഥലങ്ങളില്‍ മുഖം മറയ്ക്കാതെ ചുമയ്ക്കുക. വൈറസ് പരക്കട്ടെ. ഇതിനായി നമുക്ക് കൈകോര്‍ക്കാം'. എന്നായിരുന്നു മുജീബിന്റെ പോസ്റ്റ്. കോവിഡിനെ പ്രതിരോധിക്കാന്‍ രാജ്യം ഒന്നടങ്കം പരിശ്രമിക്കുമ്പോള്‍ വൈറസിനെ പ്രചരിപ്പിക്കാനായിരുന്നു ഇയാളുടെ ആഹ്വാനം. പൊതുസ്ഥലങ്ങളില്‍ പരസ്യമായി ചുമയ്ക്കണമെന്നും വൈറസിനെ വ്യാപിപ്പിക്കാന്‍ പറ്റുന്നിടത്തോളം അത് ചെയ്യാനുമാണ് മുജീബ് ആവശ്യപ്പെട്ടത്. ഇയാള്‍ക്കെതിരെ നടപടി വേണമെന്ന് ആവശ്യം ശക്തമായതോടെയായിരുന്നു അറസ്റ്റ ഉണ്ടായത്. ഐപിസി സെക്ഷന്‍ 505 പ്രകാരമാണ് ഇയാള്‍ക്കെതിരെ കേസെടുത്തത്. കഴിഞ്ഞ കുറെ വര്‍ഷത്തോളമായി ഇയാള്‍ ബെംഗളൂരുവിലാണ് താമസിച്ചു വരികയായിരുന്നു
ഇന്‍ഫോസിസ് കമ്പനിയുടെ ബെംഗളൂരു ക്യാമ്പസിലെ സാങ്കേതിക വിഭാഗം ഉദ്യോഗസ്ഥനായിരുന്നു മുജീബ്. വൈറസ്് പരത്തണമെന്ന ആഹ്വാനം വിവാദമായതോടെ ഇന്‍ഫോസിസ്, മുജീബിനെ ജോലിയില്‍ നിന്നും പുറത്താക്കുകയും ചെയ്തു. വിഷയം ഗൗരവതരമായി എടുക്കുന്നുവെന്നും വിഷയത്തില്‍ പ്രാഥമിക അന്വേഷണം നടത്തിയെന്നും ചൂണ്ടിക്കാട്ടിയായിരുന്നു ഇന്‍ഫോസിസിന്റെ നടപടി. ലോകം മുഴുവന്‍ കൊറോണ വൈറസിനെതിരെ പോരാടുമ്പോള്‍ ഫേസ്ബുക്കില്‍ ഇത്തരമൊരു പോസ്റ്റ് ഇട്ട യുവാവിനെ ജോലിയില്‍ നിന്ന് പിരിച്ചുവിട്ടതായി ഇന്‍ഫോസിസ് അറിയിച്ചു. ഇത്തരത്തിലുള്ള പ്രവര്‍ത്തനങ്ങള്‍ കമ്പനി പ്രോത്സാഹിപ്പിക്കുന്നില്ലെന്നും ട്വീറ്റിലൂടെ അധികൃതര്‍ വ്യക്തമാക്കി.
https://www.facebook.com/Malayalivartha
