ടി20 ലോകകപ്പിലെ ആദ്യ മത്സരത്തിൽ അമേരിക്കക്കെതിരെ ഇന്ത്യക്ക് 29 റൺസിൻറെ ആശ്വാസ ജയം. ആദ്യം ബാറ്റ് ചെയ്ത ഇന്ത്യ ക്യാപ്റ്റൻ സൂര്യകുമാർ യാദവിൻറെ ഒറ്റയാൾ പോരാട്ടത്തിലൂടെ 20 ഓവറിൽ 9 വിക്കറ്റ് നഷ്ടത്തിൽ 161 റൺസെടുത്തു. 162 റൺസ് വിജയലക്ഷ്യത്തിലേക്ക് ബാറ്റുവീശിയ അമേരിക്കയുടെ പോരാട്ടം 20 ഓവറിൽ 8 വിക്കറ്റ് നഷ്ടത്തിൽ 132 റൺസിലൊതുങ്ങുകയായിരുന്നു.

ബൗളിംഗിൽ ഇന്ത്യയെ വിറപ്പിച്ച അമേരിക്കക്ക് പക്ഷെ ബാറ്റിംഗിൽ ആ മികവ് പുറത്തെടുക്കാൻ കഴിഞ്ഞില്ല. 162 റൺസ് വിജയലക്ഷ്യത്തിന് മുന്നിൽ ഒരിക്കൽ പോലും വിജയപ്രതീക്ഷ ഉണർത്താതെയാണ് അമേരിക്ക വാങ്കഡെയിൽ അടിയറവ് പറഞ്ഞത്. സ്കോർ നില ഇന്ത്യ 20 ഓവറിൽ 161-8, അമേരിക്ക 20 ഓവറിൽ 132-8 എന്നിങ്ങനെയാണ്.