ദേശീയ ചലച്ചിത്ര അവാര്ഡുകള് പ്രഖ്യാപിക്കാന് ഇനി മണിക്കൂറുകള് മാത്രം, മമ്മൂട്ടിയും ജയസൂര്യയുമില്ല, പ്രതീക്ഷകള് കൈവിടാതെ മലയാളം
ദേശീയ ചലച്ചിത്ര അവാര്ഡില് ജയസൂര്യയും മമ്മൂട്ടിയും ഔട്ടായതോടെ മലയാളികളുടെ പ്രതീക്ഷകള് മങ്ങുന്നു. എന്നിരുന്നാലും മലയാളി പ്രേക്ഷകര്ക്ക് സന്തോഷിക്കാന് മറ്റൊരു വസ്തുത കൂടിയുണ്ട്. ചലച്ചിത്ര അവാര്ഡില് അവസാന റൗണ്ടില് ആറ് മലയാള ചലച്ചിത്രങ്ങള് ഉണ്ടെന്നാണ് റിപ്പോര്ട്ടുകള്. ഒറ്റാല്, ആലിഫ്, ഒരാള് പൊക്കം, ഐന്, 1983, ബാംഗ്ലൂര് ഡേയ്സ് എന്നീ ചിത്രങ്ങളാണവ. മമ്മൂട്ടിയും ജയസൂര്യയും അവസാന റൗണ്ടില് പുറത്തായെങ്കിലും പുരസ്ക്കാരനിറവില് തിരഞ്ഞെടുത്തവയില് ആറ് ചിത്രങ്ങള് ഉള്പ്പെട്ടത് കൊണ്ട് മലയാളികള്ക്ക് അഭിമാനിക്കാം. ഇനി മണിക്കൂറുകള് മാത്രമാണുള്ളത് ദേശീയ ചലച്ചിത്ര അവാര്ഡുകള് പ്രഖ്യാപിക്കാന്. മുന്നറിയിപ്പിലെ അഭിനയത്തിനാണ് മമ്മൂട്ടിയെ പരിഗണിച്ചിരുന്നത്.
അതൊടൊപ്പം തന്നെ അപ്പോത്തിക്കിരിയിലെ പ്രകടനത്തിനാണ് ജയസൂര്യയെ പരിഗണിച്ചിരുന്നതും. മികച്ച നടനുള്ള പുരസ്കാരത്തിന് കന്നഡ താരം സഞ്ചാരി വിജയ്, ദുര്ഗേഷ് എന്നിവരെയാണ് ഇപ്പോള് പരിഗണിക്കുന്നതെന്നാണ് റിപ്പോര്ട്ടുകള്. പികെയുടെ അഭിനയത്തിന് അമീര് ഖാനെ പുരസ്ക്കാരം ലഭിക്കാനും സാധ്യതയുണ്ടെന്നാണ് റിപ്പോര്ട്ടുകള് വ്യക്തമാക്കുന്നത്. അഭിനേത്രിമാരില് അന്തിമ പട്ടികയിലുള്ളത് പ്രിയങ്ക ചോപ്രയും(മേരികോം), റാണി മുഖര്ജിയും (മര്ദാനി), കങ്കണ റണൗട്ടുമാണ് (ക്വീന്). ജയരാജ് സംവിധാനം ചെയ്ത ഒറ്റാല് മികച്ച ചിത്രം, സംവിധായകന് എന്നീ വിഭാഗങ്ങളില് അന്തിമപട്ടികയിലുണ്ട്. മറാത്തി ചിത്രമായ കൗഡ, തമിഴ് ചിത്രം കാക്കമുട്ടൈ, ബംഗാളി ചിത്രം ചതുഷ്കോണ്, ഹിന്ദി ചിത്രം ക്വീന് എന്നിവയാണ് ഒറ്റാലിനൊപ്പം മികച്ച ചിത്രത്തിന്റെ മത്സരത്തിനുള്ളത്. നാന് അവനല്ല അവളു, ഹാരിവു എന്നീ സിനിമകള്ക്കാണ് കന്നട നടന് സഞ്ചാരി വിജയ് പരിഗണിക്കപ്പെട്ടത്.
ഇസഡ് പ്ലസിലെ പ്രകടനത്തിനാണ് ദുര്ഗേഷ് പരിഗണിക്കപ്പെട്ടത്. നവാഗത സംവിധായകനുള്ള പുരസ്കാരം ഒരാള് പൊക്കത്തിന് സനല്കുമാര് ശശിധരന് നേടുമെന്ന് സൂചനയുണ്ട്. 1983, മൈ ലൈഫ് പാര്ട്ണര് (എം.ബി. പത്മകുമാര്) എന്നിവ മികച്ച പ്രാദേശികഭാഷാ ചിത്രമായി പരിഗണിക്കുന്നവയിലുള്പ്പെടുന്നു. സഹനടിയായി മലയാളത്തില് നിന്നും പരിഗണിക്കപ്പെട്ടത് ലെനയെയാണ്. പികെ, കൊച്ചടയാന്, ജിഗര് തണ്ടാ, കുറ്റ്റം കടിതല്, കാക്കമുട്ടൈ, അപ്പുച്ചി ഗ്രാമം എന്നീ സിനിമകള്ക്കും പുരസ്കാരങ്ങളുണ്ടെന്നാണ് അറിയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha