സമൂഹമാധ്യമങ്ങളില്‍ അപകീര്‍ത്തികരമായ പരാമര്‍ശം നടത്തുന്നവര്‍ക്കെതിരെ കര്‍ശന നടപടി വ്യവസ്ഥ ചെയ്യുന്ന ഐടി നിയമത്തിലെ 66 എ വകുപ്പ് സുപ്രീം കോടതി റദ്ദാക്കി. ഈ വകുപ്പ് അഭിപ്രായ സ്വാതന്ത്ര്യത്തിന്മേലുള്ള കടന്നുകയറ്റമാണെന്ന് സുപ്രീംകോടതി അഭിപ്രായപ്പെട്ടു. രാജ്യ സുരക്ഷ, മതസൗഹാര്‍ദം എന്നിവ സംരക്ഷിക്കാന്‍ ഈ വകുപ്പിന്റെ ആവശ്യമില്ലെന്നും കോടതി പറഞ്ഞു.
വിവാദ വ്യവസ്ഥകള്‍ ഭരണഘടനാ വിരുദ്ധമാണെന്നും കോടതി വിലയിരുത്തി. 66 എയും 118ഡിയും തുല്യമാണെന്നും കോടതി നിരീക്ഷിച്ചു. സാമൂഹിക മാധ്യമങ്ങളിലെ അപകീര്‍ത്തികരമായ പരാമര്‍ശങ്ങള്‍ തടയുന്നതിനായിരുന്നു ഈ വകുപ്പ്. കേരള സര്‍ക്കാര്‍ പാസാക്കിയ കേരള പോലീസ് ആക്ടിലെ 118 ഡി വകുപ്പും റദ്ദാക്കി.
ശിവസേന നേതാവായിരുന്ന ബാല്‍ താക്കറെയ്‌ക്കെതിരെ ഫേസ്ബുക്കില്‍ പരാമര്‍ശം നടത്തിയ പെണ്‍കുട്ടികളെ അറസ്റ്റ് ചെയ്ത കേസിലാണ് കോടതി വിധി പറഞ്ഞത്. സമൂഹമാധ്യമങ്ങള്‍ വഴി മതവൈരം സൃഷ്ടിക്കുന്നതും അപകീര്‍ത്തികരവുമായ സന്ദേശങ്ങള്‍ പ്രചരിക്കുന്നത് തടയണമെന്നാണ് സര്‍ക്കാരിന്റെ നിലപാട്. ഇതിന് ഈ വകുപ്പ് സഹായകമാകുമെന്നും സര്‍ക്കാര്‍ നിലപാടെടുത്തിരുന്നു.
അടുത്തിടെ ഉത്തര്‍പ്രദേശ് നഗരവികസനമന്ത്രി അസംഖാനെതിരെ ഫേസ്ബുക്കില്‍ പരാമര്‍ശം നടത്തിയ പ്ലസ്ടു വിദ്യാര്‍ഥിയെ അറസ്റ്റ് ചെയ്തതും വലിയ വിവാദമായിരുന്നു.
2000ലാണ് നിയമം കൊണ്ടുവന്നത്. സോഷ്യല്‍ മീഡിയില്‍ അവഹേളിക്കുന്ന തരത്തിലോ നിന്ദിക്കുന്ന തരത്തിലോ പോസ്റ്റുകള്‍ പ്രസിദ്ധീകരിച്ചാല്‍ അതിന്റെ പേരില്‍ കേസെടുക്കാനും അറസ്റ്റു ചെയ്യാനും കഴിയുന്നതായിരുന്നു 66 എ വകുപ്പ്. 2008ല്‍ എട്ട് സൈബര്‍ കുറ്റങ്ങളെ കൂടി ഈ നിയമത്തിന് കീഴില്‍ കൊണ്ടുവന്നു. അവ ഇതാണ്
1)കംപ്യൂട്ടറോ മൊബൈല്‍ ഫോണ്‍ വഴിയോ നിന്ദാപരമായ സന്ദേശങ്ങള്‍ കൈമാറുന്നത്(വകുപ്പ് 66എ, മൂന്ന് വര്‍ഷം വരെ തടവും 10 ലക്ഷം രൂപ പിഴയും)
2) മോഷ്ടിക്കപ്പെട്ട കംപ്യൂട്ടര്‍, മൊബൈല്‍ ഫോണ്‍, സി.ഡി, പെന്‍െ്രെഡവ് ഉള്‍പ്പെടെയുള്ള കമ്മ്യൂണിക്കേഷന്‍ ഉപകരണങ്ങള്‍ അത് മോഷ്ടിക്കപ്പെട്ടതാണെന്ന് അറിഞ്ഞു കൊണ്ട് ഉപയോഗിക്കുന്നത് (66 ബി, മൂന്നു വര്‍ഷം വരെ തടവോ ഒരു ലക്ഷം രൂപ വരെ പിഴയോ ലഭിക്കാം) കംപ്യൂട്ടര്‍ വഴിയുള്ള തട്ടിപ്പ്, വഞ്ചന, ഡിജിറ്റല്‍ ഒപ്പ് മോഷ്ടിക്കല്‍, പാസ്‌വേഡ് ദുരുപയോഗം എന്നിവയ്ക്കും വകുപ്പ് 66 ബി പ്രകാരം ഇതേ ശിക്ഷയാണ്
3)വ്യക്തിത്വം ദുരുപയോഗം ചെയ്യല്‍ (വകുപ്പ് 66സി)
4)കംപ്യൂട്ടറിന്റെ സഹായത്തോടെ ആള്‍മാറാട്ടം നടത്തുക (വകുപ്പ് 66 ഡി)
5)സ്വകാര്യതയിലേക്കുള്ള കടന്നുകയറ്റം (വകുപ്പ് 66 ഇ, മൂന്നുവര്‍ഷം വരെ തടവോ രണ്ടു ലക്ഷം രൂപയോ പിഴ)
6)സൈബര്‍ ഭീകരത (വകുപ്പ് 66 എഫ്)
7)ലൈംഗികാതിപ്രസരമുള്ള ചിത്രങ്ങളോ വീഡിയോയോ മൊബൈല്‍ ഫോണ്‍, കംപ്യൂട്ടര്‍ എന്നിവ വഴി പ്രചരിപ്പിക്കല്‍ (വകുപ്പ് 67 എ)
8)കുട്ടികളുടെ നഗ്‌നത പ്രചരിപ്പിക്കല്‍ (വകുപ്പ് 67 ബി )
 ഐ.ടി വകുപ്പ് പ്രകാരം ഇതുവരെ രജിസ്റ്റര്‍ ചെയ്ത പ്രധാന കേസുകള്‍
 ഐ.ടി വകുപ്പ് പ്രകാരമുള്ള കേസുകള്‍ എല്ലാം തന്നെ 2012ലാണ് രജിസ്റ്റര്‍ ചെയ്തത്

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha