അരവിന്ദ് കേജ്‌രിവാള്‍ ഡല്‍ഹി മുഖ്യമന്ത്രിയായി തിരഞ്ഞെടുത്തതോടെ ദല്‍ഹിയിലെ ഓരോ ജനങ്ങളും സുരക്ഷിതമായ കരങ്ങളിലാകുമെന്ന് പലരും പ്രതീക്ഷിച്ചിരുന്നു. എന്നാല്‍,ഡല്‍ഹി മുഖ്യമന്ത്രിയായി തിരഞ്ഞെടുത്ത് ദിവസങ്ങള്‍ കഴിഞ്ഞതോടെ ആം ആദ്മിയില്‍ തന്നെ കലാപം ഉയരുകയായിരുന്നു. പല നേതാക്കളെയും ആം ആദ്മി പുറത്താക്കുകയും ചെയ്തു. അടുത്തിടെയാണ് പ്രശാന്ത് ഭൂഷണ്‍, യോഗേന്ദ്ര യാദവ് എന്നിവരെ ആം ആദ്മി പാര്‍ട്ടി നിര്‍വ്വാഹകസമിതിയില്‍ നിന്ന് പുറത്താക്കിയത്.

എഎപിയുടെ ദേശീയ കൗണ്‍സില്‍ യോഗത്തിലാണ് തീരുമാനം ഉണ്ടായത്. കേജ്‌രിവാള്‍ തന്റെതായ ഇഷ്ടത്തിന് പാര്‍ട്ടിയെ മുന്നോട്ട് കൊണ്ട് പോകാനാണ് ഇപ്പോള്‍ ശ്രമിക്കുന്നത്. യോഗേന്ദ്ര യാദവിനെ എഎപിയില്‍ നിന്നും പുറത്താക്കിയതില്‍ അദ്ദേഹം ഉടനടി പ്രതികരിക്കുകയും ചെയ്തു. മുന്‍കൂട്ടി തയ്യാറാക്കിയ തിരക്കഥയാണ് തനിക്കെതിരെയുള്ള നടപടിയെന്ന് യോഗേന്ദ്ര യാദവ് പ്രതികരിച്ചു.
കെജ്‌രിവാള്‍ ജനാധിപത്യത്തെ കശാപ്പ് ചെയ്യുന്നുവെന്നും യോഗേന്ദ്ര യാദവ് പറഞ്ഞു. ആം ആദ്മി പാര്‍ട്ടിയിലെ വിമത നേതാക്കള്‍ വിളിച്ചിരിക്കുന്ന യോഗത്തില്‍ പാര്‍ട്ടി നേതാക്കളൊ അനുഭാവികളൊ പങ്കെടുക്കരുതെന്നു എഎപി നിര്‍ദേശം നല്‍കിയിരിക്കുകയാണ് ഇപ്പോള്‍.

എംപിമാരടക്കമുള്ളവര്‍ യോഗത്തില്‍ പങ്കെടുക്കുമെന്നാണു വിമത നേതക്കള്‍ അവകാശപ്പെടുന്നത്. തുറന്ന ചര്‍ച്ച എന്ന പേരിലാണു വിശദീകരണ യോഗം സംഘടിപ്പിച്ചിരിക്കുന്നത്. പ്രശാന്ത് ഭൂഷണ്‍, യോഗേന്ദ്ര യാദവ്, ശാന്തിഭൂഷണ്‍ എന്നിവരുടെ നേതൃത്വത്തിലാണു യോഗം നടക്കുന്നത്. ആം ആദ്മിയിലെ കലാപം ഇനി കൂടുതല്‍ രൂക്ഷമാകുമെന്നാണ് പല മാധ്യമങ്ങളും റിപ്പോര്‍ട്ട് ചെയ്യുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha