ഭീകരവാദത്തിനെതിരെ മോഡി, ഭീകരവാദത്തെ അനുകൂലിക്കുന്ന രാജ്യങ്ങളെ ഒറ്റപ്പെടുത്തണം; ഭീകരതയ്ക്കെതിരെ ഒരേ ശബ്ദത്തില് പ്രതികരികരിക്കുന്നത് ഭീകരവിരുദ്ധ പ്രവര്ത്തനങ്ങളെ ശക്തിപ്പെടുത്തും
ഭീകരവാദിത്തിനെതിരെ തുറന്നടിച്ച് പ്രധാനമന്ത്രി നരേന്ദ്ര മോഡി രംഗത്തെത്തി. ആണവായുധ ശേഖരത്തെ പോലെ ഭീകരവാദത്തിനെതിരെയും വൈകാരികമായ സമീപനം ആവശ്യമാണെന്ന് അന്താരാഷ്ട്ര സമൂഹത്തോട് ആഹ്വാനം ചെയ്ത പ്രധാനമന്ത്രി നരേന്ദ്രമോഡി ഭീകരവാദത്തെ സംരക്ഷിക്കുന്ന രാജ്യങ്ങള്ക്കുമേല് സമ്മര്ദ്ദം ചെലുത്തണമെന്ന് വ്യക്തമാക്കി. പരോക്ഷമായി പാക്കിസ്ഥാന്റെ നടപടികളെ പരാമര്ശിച്ചുകൊണ്ടാണ് അദ്ദേഹം ചൊവ്വാഴ്ച ബെര്ലിനില് പ്രഭാഷണം നടത്തിയത്.ഭീകരവാദത്തെ പിന്തുണയ്ക്കുന്ന രാജ്യങ്ങളെ പൂര്ണമായും അവഗണിക്കുകയാണ് വേണ്ടതെന്നും അദ്ദേഹം ചൂണ്ടിക്കാട്ടി
2008ലെ മുംബൈ ഭീകരാക്രമണത്തിലെ മുഖ്യസൂത്രധാരനായ സക്കി ഉര് റെഹ്മാന് ലഖ്വിയെ പാകിസ്ഥാന് കുറ്റവിമുക്തനാക്കി നാലു ദിവസത്തിനുശേഷമാണ് മോദിയുടെ പ്രസ്താവന. യു.എന്നില് ദീര്ഘകാലമായി തീരുമാനമാകാതെ കിടക്കുന്ന അന്താരാഷ്ട്രതല ഭീകരവാദത്തിനെതിരെയുള്ള വ്യാപക ഉടമ്പടിയില്(സി.സി.ഐ.ടി) ഉടനെ നിഗമനത്തിലെത്തിച്ചേരണമെന്ന് മോഡി ശബ്ദമുയര്ത്തി.
ഭീകരര്ക്ക് ആയുധം വിതരണം ചെയ്യുന്ന ഉറവിടങ്ങള് കണ്ടെത്തി തടയാന് ശ്രമിക്കേണ്ടതുണ്ടെന്നും അദ്ദേഹം പറഞ്ഞു. ജര്മന് ചാന്സലര് ഏഞ്ചല മെര്ക്കലിനോടൊപ്പം പങ്കെടുത്ത സംയുക്ത വാര്ത്താസമ്മേളനത്തില് പ്രതികരിക്കുകയായിരുന്ന അദ്ദേഹം മാനവികതയില് വിശ്വസിക്കുന്നവരല്ലാം തന്നെ ഭീകരതയ്ക്കെതിരെ ഒരേ ശബ്ദത്തില് പ്രതികരിക്കണമെന്നും അത് ഭീകരവിരുദ്ധപ്രവര്ത്തനങ്ങളെ ശക്തിപ്പെടുത്തുമെന്നും പ്രസ്താവിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
