കോണ്‍ഗ്രസിനിടയിലും പാര്‍ട്ടി പ്രവര്‍ത്തകരുടെയിടയിലും ഏറെ വിവാദം സൃഷ്ടിച്ച സംഭവമായിരുന്നു രാഹുല്‍ഗാന്ധിയെ കാണാനില്ലെന്ന വാര്‍ത്ത. എന്നാല്‍ കോണ്‍ഗ്രസ് നേതാക്കള്‍ക്കും മറ്റ് രാഷ്ട്രീയ പാര്‍ട്ടികള്‍ക്കും മറുപടി നല്‍കി കൊണ്ട് രാഹുല്‍ തിരിച്ചെത്തി. പാര്‍ട്ടിയില്‍ നിന്നുള്ള അവധി അവസാനിപ്പിച്ച് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി ഇന്നലെ രാത്രിയോടെയാണ് ഡല്‍ഹിയില്‍ മടങ്ങിയെത്തിയത്. 56 ദിവസത്തെ അജ്ഞാതവാസം അവസാനിപ്പിച്ച് രാത്രി 11 മണിയോടെയാണ് രാഹുല്‍ തിരിച്ചെത്തിയത്.
രാഹുല്‍ അവധിയവസാനിപ്പിച്ച് ഇന്നലെ തിരിച്ചെത്തുമെന്നും ഞായറാഴ്ച ബിജെപി സര്‍ക്കാരിനെരിതെ നടക്കുന്ന കര്‍ഷക റാലിയില്‍ പങ്കെടുക്കുമെന്നും ഇന്നലെ കോണ്‍ഗ്രസ് നേതൃത്വം അറിയിച്ചിരുന്നു. എന്നാല്‍ അതെല്ലാം യാഥാര്‍ത്ഥ്യമായിരിക്കുകയാണ്. രാഹുല്‍ ഗാന്ധി പാര്‍ട്ടിയില്‍ നിന്നും ഓടിയൊളിക്കുകയായിരുന്നുവെന്ന് വരെ പലരും ആരോപണം ഉന്നയിച്ചു. അപ്രതീക്ഷിതമായാണ് രാഹുല്‍ ഗാന്ധി അവധിയില്‍ പ്രവേശിച്ചത്.രാഹുല്‍ അവധിയില്‍ പ്രവേശിച്ചതോടെ കോണ്‍ഗ്രസ് നേതാക്കന്മാരില്‍ പലരും ഒന്ന് പരിഭ്രമിച്ചിരുന്നു.
രാഹുല്‍ എവിടെയായിരുന്നുവെന്ന് സോണിയാ ഗാന്ധിയ്ക്കു പോലും യാതൊരു പിടിത്തവുമില്ലായിരുന്നു. തുടര്‍ന്ന് ഈ വിഷയം പാര്‍ട്ടി വൃത്തങ്ങള്‍ ആവേശത്തോടെ ചര്‍ച്ച ചെയ്തു.സോഷ്യല്‍ മീഡിയയിലും രാഹുലിന്റെ വിഷയം ഏറെ ചര്‍ച്ച ചെയ്യപ്പെട്ടു. സ്വന്തം ലോക്‌സഭ മണ്ഡലമായ അമേഠിയില്‍ നിന്നു രണ്ട് മാസത്തോളം രാഹുല്‍ വിട്ടുനിന്നതു പ്രവര്‍ത്തകരുടെ അമര്‍ഷത്തിനും പരസ്യ പ്രതിഷേധത്തിനും ഇടയാക്കിയിരുന്നു. തുടര്‍ന്ന് സോണിയ ഗാന്ധി തന്നെ നേരിട്ടെത്തിയാണ് ഇവരെ സമാധാനിപ്പിച്ചതോടെയാണ് ജനങ്ങള്‍ ശാന്തരായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha