ആവശ്യപ്പെട്ടാന് പരിശോധന നടത്തണം; ഐ.സി.എം.ആറിന്റെ പുതിയ മാര്ഗനിര്ദ്ദേശം; കണ്ടെയ്ന്മെന്റ് സോണുകളില് താമസിക്കുന്ന എല്ലാ വ്യക്തികളെയും ദ്രുത ആന്റിജന് പരിശോധനയ്ക്ക് വിധേയരാക്കണം; മറ്റു സംസ്ഥാനങ്ങളിലേക്ക് പോകുന്നവര് കോവിഡ് നെഗറ്റീവായിരിക്കണം
ഇനി മുതല് വ്യക്തികള് കോവിഡ് പരിശോധന ആവശ്യപ്പെട്ടാല് പരിശോധന നടത്തും. ഐസിഎംആറിന്റെ പുതിയ കോവിഡ് പരിശോധന മാര്ഗ നിര്ദേശത്തിലാണ് പുതിയ നിര്ദേശമുള്ളത്. ദേശീയ കോവിഡ് ടാസ്ക് ഫോഴ്സിന്റെ ശുപാര്ശകള് പ്രകാരമാണ് പുതിയ മാര്ഗ നിര്ദ്ദേശങ്ങള് പുറത്തിറക്കിയത്. രോഗ ലക്ഷണമുള്ളവരെ മാത്രമായിരുന്നു ഇതുവരെ പരിശോധനയ്ക്ക് വിധേയരാക്കിയിരുന്നത്. ഇനിമുതല് വ്യക്തികള് ആവശ്യപ്പെട്ടാല് പരിശോധന നടത്താന് തയ്യാറാകണമെന്നാണ് പുതിയ നിര്ദ്ദേശം.
കണ്ടെയ്ന്മെന്റ് സോണുകളില് താമസിക്കുന്ന എല്ലാ വ്യക്തികളെയും ദ്രുത ആന്റിജന് പരിശോധനയ്ക്ക് വിധേയരാക്കണം. പ്രത്യേകിച്ച് കോവിഡ് ബാധ രൂക്ഷമായ നഗരങ്ങളില്. കോവിഡ് പരിശോധന വൈകുന്നതിന്റെ പേരില് ഗര്ഭിണികളുടെ ചികിത്സയ്ക്ക് കാലതാമസമുണ്ടാകരുതെന്നും നിര്ദ്ദേശത്തില് വ്യക്തമാക്കുന്നുണ്ട്. കോവിഡ് പരിശോധനയുമായി ബന്ധപ്പെട്ട് നിലവിലുള്ള ശുപാര്ശകള് വിപുലപ്പെടുത്തിയിട്ടുണ്ട്. കണ്ടെയ്ന്മെന്റ് സോണുകളിലും അല്ലാത്ത ഇടങ്ങളിലും പതിവ് നിരീക്ഷണം, പ്രവേശന സ്ഥലങ്ങളില് സ്ക്രീനിങ്, ദ്രുത ആന്റിജന് ടെസ്റ്റുകള്, 65 വയസിന് മുകളിലുള്ളവരും രോഗാവസ്ഥയുള്ളവരുമടക്കം ഉയര്ന്ന അപകട സാധ്യതയുള്ള എല്ലാ വ്യക്തികളെയും പരിശോധനയ്ക്ക് വിധേയരാക്കണം എന്നിവയും കര്ശനമായി നിര്ദ്ദേശിക്കുന്നു.
പരിശോധനയില് ആദ്യം ദ്രുത ആന്റിജന് ടെസ്റ്റ്, രണ്ടാമതായി ആര്ടിപിസിആര് അല്ലെങ്കില് ട്രൂനാറ്റ് അതുമല്ലെങ്കില് സിബിഎന്എഎടി പരിശോധന എന്ന ക്രമം വേണം. കണ്ടെയ്ന്മെന്റ് സോണുകളില് താമസിക്കുന്ന എല്ലാ ആളുകളേയും കര്ശന പരിശോധനയ്ക്ക് വിധേയരാക്കണം. ശസ്ത്രക്രിയ നിര്ദ്ദേശിച്ചിട്ടുള്ള രോഗികള് 14 ദിവസത്തേക്ക് ഹോം ക്വാറന്റൈനില് നിര്ബന്ധമായും ഇരിക്കണമെന്നും ഐസിഎംആര് പുറത്തിറക്കിയ ഏറ്റവും പുതിയ നിര്ദ്ദേശത്തില് വ്യക്തമാക്കുന്നു. മറ്റു രാജ്യങ്ങളിലേക്കു അല്ലെങ്കില് സംസ്ഥാനങ്ങളിലേക്കു പോകുന്നവര്ക്ക് അവിടെ പ്രവേശിക്കുന്നതിനു മുന്പ് കോവിഡ്19 നെഗറ്റീവ് ആയിരിക്കണമെന്ന നിബന്ധന വയ്ക്കണമെന്നും നിര്ദേശമുണ്ട്. പുതിയ നിര്ദേശങ്ങളില് സംസ്ഥാനങ്ങള്ക്ക് ആവശ്യമെങ്കില് മാറ്റം വരുത്താനുള്ള അധികാരവും നല്കിയിട്ടുണ്ട്. ആന്റിജന് ടെസ്റ്റ് നെഗറ്റീവ് ആയെങ്കിലും ഒരാള്ക്ക് രോഗലക്ഷണങ്ങള് കാണുകയാണെങ്കില് ആര്ടി-പിസിആര് പരിശോധന നടത്തണമെന്നും പുതിയ നിര്ദേശത്തില് പറയുന്നു. അതേസമയം, കോവിഡ് പരിശോധന നടത്താത്തതിന്റെ പേരില് പ്രസവം ഉള്പ്പെടെയുള്ള അടിയന്തര സ്വഭാവമുള്ളവ വൈകിപ്പിക്കരുതെന്നും നിര്ദേശമുണ്ട്. ആശുപത്രികളില് ആര്ടി - പിസിആര് പരിശോധനയ്ക്ക് മുന്ഗണന നല്കണം. ആവശ്യപ്പെടുന്നതിന് അനുസരിച്ച് പരിശോധന എന്നത് എങ്ങനെ വേണമെന്ന് സര്ക്കാരിന് തീരുമാനിക്കാം.
https://www.facebook.com/Malayalivartha
