താൻ ഇതുവരെ കണ്ടതില് ഏറ്റവും മോശം സര്ക്കാരാണ് ഇന്ത്യ ഭരിക്കുന്നത്; 'ഗോ കൊറോണ ഗോ' എന്നുപറഞ്ഞാല് കൊറോണ വൈറസ് പോകുമെന്ന് പ്രധാനമന്ത്രിയുടെ മന്ത്രിമാര് പ്രചരിപ്പിക്കുന്നു; ഇതെല്ലാം നമ്മുടെ സമൂഹത്തിന് നേരെയുള്ള ആക്രമണമാണ് ; തിരിച്ചടിച്ച് പ്രശാന്ത് ഭൂഷണ്
താൻ ഇതുവരെ കണ്ടതില് ഏറ്റവും മോശം സര്ക്കാരാണ് ഇന്ത്യ ഭരിക്കുന്നത് എന്ന് മുതിര്ന്ന അഭിഭാഷകന് പ്രശാന്ത് ഭൂഷണ്. രാജ്യത്തിൻറെ പ്രധാനമന്ത്രി തന്നെ വിഡ്ഢിത്തങ്ങള് പ്രചരിപ്പിക്കുന്നുവെന്നും അദ്ദേഹം പറഞ്ഞു. . കാലാവസ്ഥ വ്യതിയാനം എന്നൊന്നില്ല എന്നാണ് പ്രചാരണം. ഗണപതിയുടെ തുമ്ബിക്കെ പ്ലാസ്റ്റിക് സര്ജറിയിലൂടെ പിടിപ്പിച്ചതാണെന്ന് പറയുന്നു. 'ഗോ കൊറോണ ഗോ' എന്നുപറഞ്ഞാല് കൊറോണ വൈറസ് പോകുമെന്ന് പ്രധാനമന്ത്രിയുടെ മന്ത്രിമാര് പ്രചരിപ്പിക്കുന്നു. ഇതെല്ലാം നമ്മുടെ സമൂഹത്തിന് നേരെയുള്ള ആക്രമണമാണെന്നും പ്രശാന്ത് ഭൂഷണ് പറഞ്ഞു..
നിലവിലെ ഭരണകൂടത്തെ 2014ന് മുമ്ബുള്ള ഒന്നുമായി താരതമ്യപ്പെടുത്താന് കഴിയില്ല. രാജ്യം കണ്ടതിനേക്കാള്, ഒരുപക്ഷേ ലോകം കണ്ടതിനേക്കാള് ഏറ്റവും മോശപ്പെട്ട സര്ക്കാരാണ് ഇപ്പോള് ഭരിക്കുന്നതെന്നും അദ്ദേഹം വ്യക്തമാക്കി. സുപ്രീംകോടതി ജസ്റ്റിസുമാരെ വിമര്ശിച്ചതിനെതിരായ കോടതിയലക്ഷ്യ കേസില് ഒരു രൂപ പിഴ അടക്കും. ജയിലില് പോകാന് എനിക്ക് താല്പര്യമില്ല. ഒരുപക്ഷേ സുപ്രീംകോടതി ജയില് ശിക്ഷ വിധിച്ചിരുന്നെങ്കില് ജയിലില് പോകുമായിരുന്നു. എന്നാല് ശിക്ഷ വിധിച്ചത് ഒരു രൂപ പിഴയടക്കാനായിരുന്നു. അതിനാല് ആ പിഴ അടക്കാനാണ് തീരുമാനമെന്നും അദ്ദേഹം വ്യക്തമാക്കി..
സുപ്രീംകോടതിയുമായി ബന്ധപ്പെട്ട വിവാദത്തില് എന്താണ് സംഭവിക്കുന്നതെന്നതില് കുടുംബത്തിലെ ചില അംഗങ്ങള്ക്ക് ആശങ്ക ഉടലെടുത്തിരുന്നു. അതില് പ്രധാനം ജയിലില് അടക്കാനുള്ള സാധ്യതയായിരുന്നു. എന്നാല് പിതാവിനോ, എനിക്കോ അക്കാര്യത്തില് യാതൊരു ആശങ്കയുമില്ലായിരുന്നു. ഇക്കാര്യത്തില് ജയിലില് പോകാനുള്ള സാധ്യത പരിശോധിച്ചിരുന്നുവെന്നും അദ്ദേഹം പറഞ്ഞു.
. അങ്ങനെ പലരും ജയിലില് പോകുന്നു. സ്വാതന്ത്ര്യ സമരവുമായി ബന്ധപ്പെട്ട് മുത്തച്ഛന്മാര് വര്ഷങ്ങളായി ജയിലില് കിടന്നു. ഭീമ കൊറേഗാവ് കേസുമായി ബന്ധപ്പെട്ട് രണ്ടുമൂന്നു വര്ഷമായി നിരവധിപേര് ജയിലില് കഴിയുന്നു. ഒരുപക്ഷേ ആറുമാസത്തേക്ക് എനിക്കും ജയില് ശിക്ഷ വിധിച്ചിരുന്നെങ്കില് ഏറ്റവും ഫലപ്രദമായി ആ സമയം ഞാന് വിനിയോഗിക്കുമായിരുന്നു. വായനക്കായി കൂടുതല് സമയം കണ്ടെത്തും. ജുഡീഷ്യറിയുമായി ബന്ധപ്പെട്ട ബുക്ക് തന്നെ എഴുതിയേനെ. ജയലിലെ അവസ്ഥ മനസിലാക്കും. അവിടെ ധാരാളം പേരെ കണ്ടുമുട്ടും. ഏതു തരത്തിലുള്ളവരാണെന്ന് മനസിലാക്കും. ഒരുപക്ഷേ, തന്നെ ജയലില് അടച്ചാല് ഇതില് കൂടുതല് പ്രശ്നങ്ങള് നേരിടേണ്ടിവരുമെന്ന് അവര് മനസിലാക്കിയിരിക്കാമെന്നും അദ്ദേഹം പറഞ്ഞു.
https://www.facebook.com/Malayalivartha
