രാജ്യത്തെ കോവിഡ്​ ബാധിതരുടെ എണ്ണം കുത്തനെ ഉയരുന്ന സാഹചര്യത്തിൽ കേന്ദ്ര സര്‍ക്കാറിനെതിരെ വിമര്‍ശനവുമായി മുതിര്‍ന്ന കോണ്‍ഗ്രസ്​ നേതാവ്​ പി. ചിദംബരം രംഗത്ത്. സെപ്​റ്റംബര്‍ അവസാനത്തോടെ രാജ്യത്തെ കോവിഡ്​ ബാധിതരുടെ എണ്ണം 65 ലക്ഷത്തിലെത്തുമെന്ന് ​അദ്ദേഹം പറഞ്ഞു.

'സെപ്​റ്റംബര്‍ അവസാനത്തോടെ രാജ്യത്തെ കോവിഡ്​ ബാധിതരുടെ എണ്ണം 55 ലക്ഷമെത്തുമെന്ന്​ പറഞ്ഞിരുന്നു. എന്നാല്‍ എനിക്ക്​ തെറ്റി. ഇൗ എണ്ണത്തിലേക്ക്​ സെപ്​റ്റംബര്‍ 20ഒാടെ എത്തും. സെപ്​റ്റംബര്‍ അവസാനത്തോടെ കോവിഡ്​ ബാധിതരുടെ എണ്ണം 65 ലക്ഷത്തിലെത്തും' എന്നും അദ്ദേഹം ട്വീറ്റ്​ ചെയ്​തു.

കൊറോണ വൈറസിനെ 21 ദിവസത്തിനുള്ളില്‍ പരാജയപ്പെടുത്തുമെന്ന്​ പ്രധാനമന്ത്രി നരേന്ദ്രമോദി വാഗ്​ദാനം ചെയ്​തിരുന്നു. എന്നാല്‍ മറ്റു രാജ്യങ്ങള്‍ ജയിച്ചുകയറു​േമ്ബാള്‍ ഇന്ത്യ പരാജയ​പ്പെടുന്നു. ഇക്കാര്യത്തി​ല്‍ പ്രധാനമന്ത്രി വിശദീകരണം നല്‍കണമെന്നും മറ്റൊരു ട്വീറ്റില്‍ ചിദംബരം ആവശ്യപ്പെട്ടു.

കോവിഡ്​ ബാധിതരുടെ എണ്ണം കുത്തനെ ഉയരുന്ന സാഹചര്യത്തില്‍ ലോക്​ഡൗണ്‍ പോലുള്ള കാര്യങ്ങൾ കൊണ്ട് രാജ്യത്ത്​ ഫലപ്രദമായി ഒന്നും ചെയ്യാൻ കഴിഞ്ഞില്ലെന്നും ​അദ്ദേഹം കുറ്റപ്പെടുത്തി. മറ്റു രാജ്യ​ങ്ങളെ അപേക്ഷിച്ച്‌​ രാജ്യത്ത്​ പുതുതായി കോവിഡ്​ സ്​ഥിരീകരിക്കുന്നവരുടെ എണ്ണം കുത്തനെ ഉയര്‍ന്നു. 24 മണിക്കൂറിനിടെ 86,432 പേര്‍ക്കാണ്​ രാജ്യത്ത്​ കോവിഡ്​ സ്​ഥിരീകരിച്ചത്​. ഇതോടെ രോഗബാധിതരുടെ എണ്ണം 40 ലക്ഷം കടന്നു.

കൂടാതെ രാജ്യത്തി​െന്‍റ സമ്ബദ്​വ്യവസ്​ഥ തകരുന്നതിനെതിരെ കേന്ദ്ര ധനകാര്യ മന്ത്രാലയത്തെയും അദ്ദേഹം രൂക്ഷമായി വിമര്‍ശിച്ചു. 2020-21ലെ ആദ്യപാദത്തില്‍ സമ്ബദ്​ വ്യവസ്​ഥ താഴോട്ട്​ വളരുന്നതില്‍ കേന്ദ്ര ധനകാര്യമന്ത്രാലയത്തിന്​ ഒരക്ഷരംപോലും മറുപടി പറയാനില്ല. എങ്കിലും വളരെ പഴയ തന്ത്രമായ ഇംഗ്ലീഷ്​ അക്ഷരമാലയിലെ 'വി' ആകൃതിയില്‍ സമ്ബദ്​ വ്യവസ്​ഥ ഉയരുമെന്ന്​ പറഞ്ഞ്​ ജനങ്ങളെ തെറ്റിദ്ധരിപ്പിക്കുന്നു. കഴിഞ്ഞ 15 മാസമായി സമ്ബദ്​വ്യവസ്​ഥയില്‍ 'വി' ആകൃതിയിലുള്ള വീണ്ടെടുക്കലുണ്ടാകുമെന്ന ധനകാര്യ മന്ത്രാലയത്തി​െന്‍റ വാഗ്​ദാനം ജനങ്ങള്‍ മറന്നിട്ടില്ലെന്നും അദ്ദേഹം പറഞ്ഞു.