അലിഗഡ് മുസ്ലിം സര്‍വകലാശാലയിലെ വിദ്യാര്‍ത്ഥിനി നേതാവ് ദുരൂഹ സാഹചര്യത്തില്‍ മരിച്ച നിലയില്‍. സര്‍വകലാശാലാ യൂനിയന്‍ അധ്യക്ഷപദവിയിലേക്ക് മല്‍സരിച്ച ആദ്യ വിദ്യാര്‍ത്ഥിനി എന്ന നിലയില്‍ വാര്‍ത്തകളില്‍ ഇടം പിടിച്ച അസ്മ ജാവേദാ(28)ണ് മരിച്ചത്.
മരണം കൊലപാതകമെന്നാണ് പൊലീസിന്റെ പ്രാഥമിക നിഗമനം. അസ്മയുടെ ബന്ധുക്കള്‍ ആരോപിക്കുന്നതും കൊലപാതകമാണെന്നാണ്.
താമസിക്കുന്ന ഫഌറ്റിനകത്താണ് അസ്മയെ മരിച്ച നിലയില്‍ കണ്ടെത്തിയത്. അസ്മയുടെ വിവരങ്ങള്‍ അറിയാത്തതിനെ തുടര്‍ന്ന് എത്തിയ സഹോദരന്‍ സല്‍മാന്‍ പൊലീസ് സഹായത്തോടെ ഫഌറ്റ് തുറന്നപ്പോഴാണ് മൃതദേഹം കണ്ടെത്തിയത്. നാലഞ്ചു ദിവസം മുമ്പാണ് മരണം നടന്നതെന്നാണ് നിഗമനം. ഫഌറ്റില്‍നിന്ന് ദുര്‍ഗന്ധം വമിക്കുന്നതായി അയല്‍ക്കാരും അറിയിച്ചിരുന്നു.
ചീഞ്ഞളിഞ്ഞ നിലയില്‍ കണ്ടെത്തിയ മൃതദേഹത്തിന്റെ തലയിലും മറ്റും മുറിവുകളുണ്ടായിരുന്നു. രക്തത്തില്‍ കുളിച്ച് കിടക്കുന്ന നിലയിലായിരുന്നു അസ്മയുടെ മൃതദേഹം.
കാമ്പസില്‍ പെണ്‍കുട്ടികളുടെ പ്രശ്‌നങ്ങളുമായി ബന്ധപ്പെട്ട് ധര്‍ണ്ണ നടത്തുകയും സജീമായി ഇടപെടുകയും ചെയ്തിരുന്ന നേതാവായിരുന്നു അസ്മ. 2013ല്‍ അലിഗഢില്‍ നിന്ന് ഗവേഷണം പൂര്‍ത്തിയാക്കിയ അസ്മ ഹത്‌റാസില്‍ അദ്ധ്യാപക പരിശീലനത്തിലായിരുന്നു. അലിഗഢിലെ ഫഌറ്റില്‍ തനിച്ചായിരുന്നു താമസം.
രണ്ട് വര്‍ഷം മുമ്പ് ഇവരുടെ ഭര്‍ത്താവ് പെട്ടെന്നാരു നാള്‍ ദക്ഷിണ അമേരിക്കയിലേക്ക് പോയതുമുതല്‍ തനിച്ചാണ് അസ്മയുടെ ജീവിതം. ഇയാളുടെ വിവരമാന്നും പിന്നീട് ലഭിച്ചിട്ടില്ല. വിവാഹ മോചനം നടത്തിയിട്ടില്ല. ഇതിനെ തുടര്‍ന്ന് വിഷാദ രോഗത്തിന് ചികില്‍സയിലായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha