10 വര്ഷത്തിനിടെ 50ഓളം കുട്ടികളെ ലൈംഗികമായി പീഡിപ്പിച്ച എന്ജിനീയര് അറസ്റ്റില്....വീട്ടില് നടത്തിയ റെയ്ഡില് മൊബൈല് ഫോണുകളും ദൃശ്യങ്ങളടങ്ങിയ ലാപ്ടോപ്പും സി.ബി.ഐ പിടിച്ചെടുത്തു
17 NOVEMBER 2020 06:50 PM IST
മലയാളി വാര്ത്ത
50ഓളം കുട്ടികളെ ലൈംഗികമായി പീഡിപ്പിച്ച യു.പി എന്ജിനീയര് അറസ്റ്റില്. ജലസേചന വകുപ്പിലെ ജൂനിയര് എന്ജിനീയറെയാണ് സി.ബി.ഐ അറസ്റ്റ് ചെയ്തത്. അഞ്ച് മുതല് 16 വയസു വരെയുള്ള കുട്ടികളെയാണ് ഇയാള് ലൈംഗികമായി പീഡിപ്പിച്ചത്. കഴിഞ്ഞ 10 വര്ഷത്തിനിടെയായിരുന്നു പീഡനം.
കുട്ടികളുടെ ചിത്രങ്ങളും ദൃശ്യങ്ങളും ഇയാള് ഓണ്ലൈനായി വില്ക്കുകയും ചെയ്തു. ചിത്രകൂട്ട്, ബാണ്ഡ, ഹാമിര്പുര് തുടങ്ങിയ ജില്ലകളിലായാണ് സംഭവങ്ങള് റിപ്പോര്ട്ട് ചെയ്തത്. ബാണ്ഡയില് നിന്നാണ് സി.ബി.ഐ ഇയാളെ അറസ്റ്റ് ചെയ്തത്. ഉടന് കോടതിയില് ഹാജരാക്കുമെന്നാണ് റിപ്പോര്ട്ടുകള്.
ജൂനിയര് എന്ജിനീയറുടെ വീട്ടില് നടത്തിയ റെയ്ഡില് മൊബൈല് ഫോണുകളും എട്ട് ലക്ഷം രൂപയും കുട്ടികളെ ലൈംഗികമായി ഉപദ്രവിക്കുന്ന ദൃശ്യങ്ങളടങ്ങിയ ലാപ്ടോപ്പും സി.ബി.ഐ പിടിച്ചെടുത്തിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
