നിയന്ത്രണരേഖയ്ക്ക് സമീപം പാക്ക് ഡ്രോണുകള് കണ്ടെത്തിയതിനെ തുടര്ന്ന് അതിര്ത്തിയിലുടനീളം ജാഗ്രത ശക്തമാക്കി
പാക്ക് ഡ്രോണുകള് നിയന്ത്രണരേഖയ്ക്ക് സമീപം കണ്ടെത്തിയതിനു പിന്നാലെ അതിര്ത്തിയിലുടനീളം ജാഗ്രത ശക്തമാക്കി. ഭീകരര്ക്കു വേണ്ടി ആയുധങ്ങള് ഡ്രോണുകള് ഉപയോഗിച്ച് ഇന്ത്യയിലേക്ക് കടത്താനാണ് പാക്ക് ശ്രമമെന്ന് സേനാ വൃത്തങ്ങള് പറഞ്ഞു.
ഭീകരര് നിയന്ത്രണരേഖയിലുള്ള വനമേഖലകള് വഴി കശ്മീരിലേക്കു നുഴഞ്ഞുകയറാന് ശ്രമിക്കുന്നതിന്റെ സൂചനയാവാം പുതിയ നീക്കമെന്നാണ് സേനയുടെ വിലയിരുത്തല്. പുതിയ സാഹചര്യത്തില് അതിര്ത്തി മേഖലകളില് കരസേന, ബിഎസ്എഫ് സേനാംഗങ്ങള് പട്രോളിങ് ശക്തമാക്കി.
ഇതിനിടെ, പാക്ക് സേന ഇന്നലെ രാവിലെ 11 മണിയോടെ നിയന്ത്രണരേഖയിലുള്ള നൗഷേരയില് വ്യാപക ഷെല്ലാക്രമണം നടത്തി. ഇന്ത്യന് സേന ശക്തമായി തിരിച്ചടിച്ചു. ഇന്ത്യന് ഭാഗത്ത് ആര്ക്കും പരുക്കില്ല. പാക്ക് ആക്രമണം രൂക്ഷമായ സാഹചര്യത്തില് അതിര്ത്തി ഗ്രാമങ്ങളില് താമസിക്കുന്നവരെ സുരക്ഷിത സ്ഥാനത്തേക്ക് സേന മാറ്റി.
ഇതിനിടെ, രഹസ്യ വിവരത്തിന്റെ അടിസ്ഥാനത്തില് ദക്ഷിണ കശ്മീരിലെ പുല്വാമയിലുള്ള ഛത്പുര ഗ്രാമത്തില് ജയ്ഷെ മുഹമ്മദ് ഭീകരനെ കരസേന പിടികൂടി.
https://www.facebook.com/Malayalivartha
