തലസ്ഥാനനഗരമായ ഡല്‍ഹി തണുത്തു വിറയ്ക്കുന്നു.... നവംബര്‍ മാസത്തിലെ ഏറ്റവും വലിയ തണുപ്പ് ഇന്നലെ രേഖപ്പെടുത്തി. 17 വര്‍ഷങ്ങള്‍ക്ക് ശേഷമാണ് ഇത്തരത്തില്‍ കടുത്ത ശൈത്യം നവംബറില്‍ തന്നെ ഡല്‍ഹിയില്‍ അനുഭവപ്പെടുന്നത്. ഞായറാഴ്ച ഡല്‍ഹിയിലെ താപനില 6.9 ഡിഗ്രി സെല്‍ഷ്യസായിരുന്നു. ശനിയാഴ്ച 8.5 ഡിഗ്രി സെല്‍ഷ്യസായിരുന്നു താപനില.

ഇന്നലെ പുലര്‍ച്ചെ കടുത്ത തണുപ്പാണ് അനുഭവപ്പെട്ടത്. 14 വര്‍ഷത്തെ ഇടവേളയ്ക്ക് ശേഷമാണ് ഇത്തരമൊരു തണുത്ത പ്രഭാതം നവംബറില്‍ എത്തുന്നത്. നഗരത്തിന്റെ വിവിധ ഭാഗങ്ങളില്‍ ശൈത്യ തരംഗം അനുഭവപ്പെട്ടതായും റിപ്പോര്‍ട്ടുകളുണ്ട്.