കേവലം അഞ്ച്‌ വർഷം ....തമിഴകത്ത് സംഭവിക്കാൻ പോകുന്നത് രാഷ്ട്രീയ ലോകം സ്വപ്നത്തിൽ പോലും വിചാരിക്കാത്തത് ...തമിഴകത്തെ ബിജെപിയാക്കാൻ അമിത് ഷായുടെ ഒന്നന്നൊന്നര ബുദ്ധിയും ... ഇനി എന്തും സംഭവിക്കും.....മുന്നണിയെക്കുറിച്ചുള്ള ചർച്ചകൾ കേന്ദ്രനേതൃത്വത്തിനു വിടുക. 5 വർഷത്തിനകം പാർട്ടിയെ ഒറ്റയ്ക്ക് അധികാരത്തിലേറ്റാൻ കഠിനമായി പരിശ്രമിക്കുക’ എന്നാണ് അമിത് ഷാ തമിഴ്നാട്ടിലെ ബിജെപി നേതാക്കൾക്കു നൽകിയ സന്ദേശംഇതിൽ നിന്നും കാര്യങ്ങൾ വ്യക്തമാണ് . സഖ്യകക്ഷികൾക്കൊപ്പം നിന്നു സ്വയം വളരുകയെന്ന തന്ത്രം തന്നെയാണു പാർട്ടി തമിഴകത്തും പയറ്റാനൊരുങ്ങുന്നത്. സഖ്യകക്ഷികൾക്കു സർക്കാരിൽ ഇടം നൽകുന്ന പതിവ് തമിഴകത്തില്ലെങ്കിലും ഭരണം ലഭിച്ചാൽ സർക്കാരിൽ പങ്കാളിത്തം എന്ന സമ്മർദവും ബിജെപി ഉയർത്തിയേക്കാനുള്ള സാധ്യത തള്ളിക്കളയാനാകില്ല .എന്നാൽ അണ്ണാഡിഎംകെ-ബിജെപി സഖ്യം തുടരുമെന്ന പ്രഖ്യാപനം, രജനീകാന്ത് രാഷ്ട്രീയ പാർട്ടി രൂപീകരണത്തിൽ നിന്നു പിന്മാറിയതിനു തെളിവായി വിലയിരുത്തുന്നുണ്ട്.

അമിത് ഷാ രജനീകാന്തിനെ കാണുമെന്ന സൂചനകളുണ്ടായിരുന്നെങ്കിലും അതുണ്ടായില്ല എന്നതും വ്യക്തം .പക്ഷേ , ആർഎസ്എസ് താത്വികാചാര്യനും രജനികാന്തിന്റെ അടുത്ത സുഹൃത്തുമായ എസ്.ഗുരുമൂർത്തി അമിത് ഷായുമായി 3 മണിക്കൂറോളം കൂടിക്കാഴ്ച നടത്തിയിരുന്നു . രജനിയുടെ സന്ദേശം ഗുരുമൂർത്തി അമിത് ഷായ്ക്കു കൈമാറിയെന്നാണ് ഇപ്പോൾ പരക്കുന്ന അഭ്യൂഹം. 40 സീറ്റാണു ബിജെപി ചോദിച്ചതെന്നാണു സൂചനകൾ . 20 സീറ്റുവരെയാണു അണ്ണാഡിഎംകെ വാഗ്ദാനം ചെയ്തത്. ഇതു 25 വരെയാകാനുള്ള സാധ്യത തള്ളിക്കളയാനാകില്ല . ബിജെപി സ്വന്തം വളർച്ച ലക്ഷ്യം വയ്ക്കുമ്പോൾ ബാധിക്കുന്നതു തങ്ങളെയാണെന്ന ബോധ്യം അണ്ണാഡിഎംകെയ്ക്കുണ്ട്.അടുത്ത വർഷത്തെ തമിഴ്നാട് നിയമസഭാ തിരഞ്ഞെടുപ്പിലും അണ്ണാഡിഎംകെ-ബിജെപി സഖ്യം തുടരും. ഉപമുഖ്യമന്ത്രിയും അണ്ണാഡിഎംകെ കോ-ഓർഡിനേറ്ററുമായ ഒ.പനീർസെൽവമാണ്, കേന്ദ്ര ആഭ്യന്തര മന്ത്രി അമിത് ഷായുടെ സാന്നിധ്യത്തിൽ ഇക്കാര്യം പ്രഖ്യാപിച്ചത്. ഇതിനു പിന്നാലെ, കുടുംബ രാഷ്ട്രീയത്തിന്റെ പേരിൽ ഡിഎംകെയ്ക്കെതിരെ ആഞ്ഞടിച്ചുകൊണ്ട് ഷാ തിരഞ്ഞെടുപ്പു പ്രചാരണത്തിനു തുടക്കമിട്ടു. ചെന്നൈ മെട്രോയുടെ രണ്ടാംഘട്ട ശിലാസ്ഥാപനമുൾപ്പെടെ 67,378 കോടിയുടെ പദ്ധതികൾ ഉദ്ഘാടനവും ചെയ്തു.