പ്രധാനമന്ത്രിക്ക് നേരെ പുതിയ ചോദ്യവുമായി രാഹുല് ഗാന്ധി: കൊവിഡ് വാക്സിന് ജനങ്ങള്ക്ക് സൗജന്യമായി നല്കുമോ എന്ന് മോഡി മറുപടി പറയണമെന്ന് രാഹുല്
കൊവിഡ് കൈകാര്യം ചെയ്യുന്നതില് കേന്ദ്ര സര്ക്കാരിനും പ്രധാനമന്ത്രി നരേന്ദ്രമോഡിക്കും നേരെ കോണ്ഗ്രസ് നേതാവ് രാഹുല് ഗാന്ധി ഇപ്പോള് വാക്സിന് വിതരണം സംബന്ധിച്ച പുതിയ ചോദ്യങ്ങളുമായി രംഗത്തെത്തിയിരിക്കുകയാണ്.
കൊവിഡ് വാക്സിന് പി.എം കെയര് പദ്ധതിയിലൂടെ ജനങ്ങള്ക്ക് സൗജന്യമായി നല്കുമോ എന്ന് രാഹുല് ഗാന്ധി ചോദിച്ചു.ഇന്ത്യാ ഗവണ്മെന്റ് ഏത് നിര്മാണ കമ്ബനിയുടെ വാക്സിന് സ്വീകരിക്കുമെന്നും മുഴുവന് ഇന്ത്യന് പൗരന്മാര്ക്കും വാക്സിന് എന്നത്തേക്ക് നല്കുമെന്നും അദ്ദേഹം ചോദിച്ചു. തന്റെ ചോദ്യങ്ങള്ക്ക് മോദി മറുപടി നല്കണമെന്നും രാഹുല് ഗാന്ധി ആവശ്യപ്പെട്ടു. ട്വീറ്റിലൂടെയാണ് രാഹുല് ഇക്കാര്യം ആവശ്യപ്പെട്ടത്.
രാജ്യത്തെ കൊവിഡ് സ്ഥിതിഗതികള് അവലോകനം ചെയ്യുന്നതിനായി സംസ്ഥാന കേന്ദ്രഭരണ പ്രദേശങ്ങളിലെ മുഖ്യമന്ത്രിമാരുമായി പ്രധാനമന്ത്രി നരേന്ദ്രമോദി ചര്ച്ച നടത്താന് ഒരുങ്ങുന്നതിനിടെയാണ് രാഹുല് ഗാന്ധിയുടെ പ്രതികരണം. നീതി ആയോഗിന്റെ ഭാഗമായി അടുത്തിടെ സംഘടിപ്പിച്ച പരിപാടിയില് വാക്സിന് അടിയന്തര സാഹചര്യങ്ങള്ക്കായി ഉപയോഗിക്കുന്നതിനുള്ള അംഗീകാരം, മുന്കൂര് സംഭരണം,വാക്സിനുകളുടെ വിലനിര്ണ്ണയം എന്നീ വിഷയങ്ങള്ള് ചര്ച്ച ചെയ്യപ്പെട്ടിരുന്നു.
https://www.facebook.com/Malayalivartha