തമിഴ്നാട് തീരങ്ങളിലേക്ക് നി​വാ​ര്‍ കൊടുംകാറ്റ് എത്തുമെന്ന കാലാവസ്ഥ മുന്നറിയിപ്പിന്റെ പ​ശ്ചാ​ത്ത​ല​ത്തി​ല്‍ സ്ഥി​തി​ഗ​തി​ക​ള്‍ വി​ല​യി​രു​ത്തി ജാഗ്രത നിര്‍ദ്ദേശം നല്‍കി പ്ര​ധാ​ന​മ​ന്ത്രി. ത​മി​ഴ്നാ​ട്, പു​തു​ച്ചേ​രി മു​ഖ്യ​മ​ന്ത്രി​മാ​രു​മാ​യി പ്ര​ധാ​ന​മ​ന്ത്രി ച​ര്‍​ച്ച ഇതിനോടകം ചര്‍ച്ച നടത്തി . കേ​ന്ദ്ര​ത്തി​ന്‍റെ എ​ല്ലാ സ​ഹാ​യങ്ങളും ഉണ്ടാകുമെന്ന് പ്ര​ധാ​ന​മ​ന്ത്രി ഉറപ്പ് നൽകി .നാളെ ഉ​ച്ച​യോ​ടെ ചു​ഴ​ലി​ക്കാ​റ്റ് ത​മി​ഴ്നാ​ട് തീരത്ത് ആഞ്ഞ് വീശുമെന്നാണ് റിപ്പോര്‍ട്ടുകള്‍ സൂചിപ്പിക്കുകയാണ് . 120 കി​മീ വേ​ഗ​ത​യി​ല്‍ കാ​റ്റു വീ​ശു​മെ​ന്നാ​ണ് മു​ന്ന​റി​യി​പ്പ് . നി​ല​വി​ല്‍ ചു​ഴ​ലി​ക്കാ​റ്റ് ചെ​ന്നൈ തീ​ര​ത്ത് നി​ന്ന് 450 കി​മീ അ​ക​ലെ​യാ​ണ്. ത​മി​ഴ്നാ​ട്, പു​തു​ച്ചേ​രി, ആ​ന്ധ്രാ തീ​ര​ങ്ങ​ളി​ല്‍ ജാ​ഗ്ര​താ മു​ന്ന​റി​യി​പ്പും അധികൃതര്‍ ന​ല്‍​കി​യി​ട്ടു​ണ്ട്.

രക്ഷാ പ്രവര്‍ത്തനത്തിനായി ദേശീയ ദുരന്ത നിവാരണ സേന ആറംഗ സംഘത്തെ ഗൂഡല്ലൂരിലേക്കും ചിദംബരത്തേക്കും അയക്കുകയുണ്ടായി . നവംബര്‍ 25ന്​ വൈകി​ട്ടോടെ കാരയ്​ക്കല്‍, മാമല്ലപുരം എന്നിവിടങ്ങളില്‍ ചുഴലിക്കാറ്റ്​ വീശിയടിക്കാനാണ്​ സാധ്യതയെന്ന്​ ഇന്ത്യന്‍ മെട്രോളജിക്കല്‍ വിഭാഗം അറിയിച്ചു. ചുഴലിക്കാറ്റ്​ തീരം തൊടുന്നതിനാല്‍ ജാഗ്രത പാലിക്കാനും കാലാവസ്​ഥ വകുപ്പ്​ മുന്നറിയിപ്പ്​ നല്‍കി. തമിഴ്​നാട്​, ആന്ധ്ര, പുതുച്ചേരി എന്നിവിടങ്ങളില്‍ ചുഴലിക്കാറ്റ്​ ഭീഷണി ഉയര്‍ത്തും. മത്സ്യത്തൊഴിലാളികള്‍ കടലില്‍ പോകരുതെന്ന നിര്‍ദേശവും കാലാവസ്​ഥ വകുപ്പ്​ നല്‍കിയിട്ടുണ്ടായിരുന്നു .