മൊബൈൽ ഫോണുകളുടെ വരവോടെ ലാൻ ഫോണുകളുടെ ഉപയോഗം കുറഞ്ഞു വരുന്ന കാഴ്ചയാണ് നമ്മൾ കണ്ടത് .ആദ്യ കാലത്തു എന്തിനും ഏതിനും ലാൻ ഫോണുകൾ ആയിരുന്നു .എന്നാൽ പിന്നീട് എവിടെയും എപ്പോഴും കൊണ്ടുനടക്കാൻ കഴിയുന്ന മൊബൈൽ ഫോണുകൾ വന്നതോടെ ലാൻ ഫോണുകളെ നമ്മൾ പതിയ മറന്നു .എന്നാലും ചിലയിടങ്ങളിൽ ഇപ്പോഴും ലാൻ ഫോണുകൾ ഉപയോഗിക്കുന്നുണ്ട് എന്നും പറയാതെ വയ്യ .ഈ സാഹചര്യത്തിലാണ് പലരും വീടുകളിൽ പേരിനുമാത്രം ലാൻഫോണുകൾ വയ്ക്കുകയും,വിളിയും പറച്ചിലുമൊക്കെ മൊബൈൽ ഫോണിൽ ആക്കുകയും ചെയ്തു.എന്നാൽ ഓഫീസുകൾ മറ്റ് ഔദ്യോഗിക ആവശ്യങ്ങൾ എന്നിവക്ക് ഇപ്പോഴും ലാൻ ഫോൺ ഉപയോഗിക്കുന്ന ആളുകൾ ഒട്ടും കുറവല്ല .എന്നാൽ ഇപ്പോൾ അതുമായി ബന്ധപ്പെട്ട ഒരു വാർത്തയാണ് പുറത്തു വരുന്നത് ..

ലാ‍ൻഡ് ഫോണിൽ നിന്നു മൊബൈൽ നമ്പറിലേക്കു വിളിക്കുമ്പോൾ തുടക്കത്തിൽ ‘0’ ചേർക്കാനുള്ള നിർദേശത്തിനു കേന്ദ്ര ടെലികോം മന്ത്രാലയത്തിന്റെ അംഗീകാരം. ജനുവരി ഒന്നിനുള്ളിൽ ഇതിനാവശ്യമായ മാറ്റങ്ങൾ വരുത്താൻ മന്ത്രാലയം കമ്പനികൾക്കു നിർദേശം നൽകി.
മൊബൈൽ ഉപയോക്താക്കൾ വർധിച്ചതിനാൽ നമ്പറുകൾ 10 ൽ നിന്നു 11 അക്കമാക്കുന്നതിന്റെ ഭാഗമാണിത്.മൊബൈൽ നമ്പർ 10 അക്കത്തിൽ നിന്ന് 11 അക്കമായി വർധിപ്പിച്ചേക്കും എന്ന വാർത്ത നേരത്തെ പുറത്തു വന്നിരുന്നു . മൊബൈൽ നമ്പർ 11 അംഗമായി വർധിപ്പിക്കാൻ ടെലികോം റെഗുലേറ്ററി അതോറിറ്റി ഓഫ് ഇന്ത്യ അഥവാ ട്രായ് ശുപാർശ ചെയ്യുകയായിരുന്നു . രാജ്യത്ത് ഫോൺ ഉപയോഗിക്കുന്നവരുടെ എണ്ണം വർധിച്ചതിനാൽ കൂടുതൽ നമ്പറുകൾ ലഭ്യമാക്കാനാണിത്. പരിഷ്കാരത്തിലൂടെ 1000 കോടി പുതിയ നമ്പറുകൾ സ‍ൃഷ്ടിക്കാൻ കഴിയുമെന്നാണ് പ്രതീക്ഷ. എല്ലാ നമ്പറുകളും 9 ൽ തുടങ്ങും.

ലാൻഡ് ഫോണുകളിൽ നിന്നു മൊബൈൽ നമ്പറിലേക്കു വിളിക്കുമ്പോൾ 0 ചേർക്കണമെന്നും നിർദേശമുണ്ട്. ഇന്റർനെറ്റിനായുള്ള മൊബൈൽ വൈഫൈ ഡോംഗിളുകളുടെയും സിം ഉപയോഗിക്കുന്ന ഡേറ്റ കാർഡുകളുടെയും നമ്പർ 10 ൽ നിന്ന് 13 അക്കമാക്കാനും ട്രായ് സമർപ്പിച്ച ശുപാർശയിൽ നിർദേശിക്കുന്നു. ലാൻഡ് ഫോണുകൾ 2,4 എന്നീ അക്കങ്ങളിൽ മാത്രമായിരിക്കും തുടങ്ങുക.ഇന്ത്യയിൽ 120 കോടി ഫോൺ കണക്‌ഷനുകളുണ്ട്. 87.7% ആണ് രാജ്യത്തെ ഫോൺ സാന്ദ്രത. 2030 ൽ 45 കോടി മൊബൈൽ കണക്‌ഷനുകളാണ് ട്രായ് 2003 ൽ കണക്കു കൂട്ടിയത്. എന്നാൽ 2009 ൽ തന്നെ ഇതു മറികടന്നു. ഫോൺ നമ്പർ 11 അക്കമാകുന്നതോടെ മൊബൈൽ നമ്പർ അടിസ്ഥാനമാക്കി പ്രവർത്തിക്കുന്ന ബാങ്കിങ് സൈറ്റുകൾ, വെബ്സൈറ്റുകൾ‌, ആപ്പുകൾ തുടങ്ങിയവയിലൊക്കെ അഴിച്ചുപണി വേണ്ടിവരും.