ഭാര്യയെ കാറിലിരുത്തിയ ശേഷം ഭർത്താവ് ഒരു ആവശ്യത്തിനായി പുറത്തേക്ക് പോയി.. തിരിച്ചുവന്ന് കാർ പാർക്ക് ചെയ്ത സ്ഥലത്ത് കണ്ടത് ഹൃദയം നടക്കുന്ന കാഴ്ച... ഭാര്യയും ഇല്ല കാറും ഇല്ല എന്ത് ചെയ്യണമെന്നറിയാതെ കുഴങ്ങി യുവാവ്.... കാറ് പാർക്ക് ചെയ്തിട്ട് പോയപ്പോൾ കാറിനകത്ത് ഉണ്ടായിരുന്ന ഭാര്യയുമായി മോഷ്ടാക്കൾ കടന്നുകളഞ്ഞതാണ് സംഭവം. ഭർത്താവ് പുറത്തുപോയ സമയത്ത് കാറുമായി മോഷ്ടാക്കള്‍ പറപറന്നു; എന്നാൽ അഞ്ച് കിലോമീറ്റർ അകലെ ചെന്ന് യുവതിയെ അവിടെ ഉപേക്ഷിക്കുകയും ചെയ്തു.

5 കിലോമീറ്റർ അകലെ ടോൾപ്ലാസയിൽ യുവതിയെ ഉപേക്ഷിച്ചു മോഷ്ടാക്കൾ അവിടെനിന്നുംകാറുമായി കടന്നുകളഞ്ഞു. ചണ്ഡീഗഢിന് സമീപം ദേരാബാസിയിലായിരുന്നു നാടകീയമായ സംഭവങ്ങൾ അരങ്ങേറിയത്... കാർ മോഷണം പോയതിനെ യും തന്നെ തട്ടിക്കൊണ്ടുപോയ തിന്റെയും ഞെട്ടലിൽ നിന്നും ആ യുവതി ഇതുവരെ മുക്തമായിട്ടില്ല.

സ്വകാര്യ കമ്പനി ജീവനക്കാരനായ രാജീവ് ചന്ദിന്റെ കാറാണ് പട്ടാപ്പകൽ മോഷ്ടിക്കപ്പെട്ടത്. ഭാര്യ റിതുവിനൊപ്പം കുട്ടികളുടെ സ്കൂളിൽ ഫീസ് അടയ്ക്കാനെത്തിയതായിരുന്നു രാജീവ്. കാർ റോഡരികിൽനിർത്തി ഭാര്യയെ കാറിലിരുത്തി ഇദ്ദേഹം സ്കൂളിലേക്ക് പോയി. കാറിന്റെ താക്കോലും എടുത്തിരുന്നില്ല.

രാജീവ് സ്കൂളിലേക്ക് പോയതിന് പിന്നാലെയാണ് രണ്ടുപേർ കാറിന്റെ വാതിൽ തുറന്ന് അകത്തുകയറിയത്. ഒരാൾ ഡ്രൈവറുടെ ഇരിപ്പിടത്തിലും മറ്റൊരാൾ പിറകിലുമാണ് കയറിയത്. ഉടൻതന്നെ ഇവർ മുൻസീറ്റിലുണ്ടായിരുന്ന റിതുവിന്റെ മുഖംപൊത്തി. പിന്നാലെ കാറുമായി കടന്നുകളയുകയായിരുന്നു. ദേശീയപാതയിലേക്ക് പ്രവേശിച്ച മോഷ്ടാക്കൾ ഒടുവിൽ അംബാല ടോൾപ്ലാസയ്ക്ക് സമീപത്തുവെച്ചാണ് യുവതിയെ റോഡിൽ ഉപേക്ഷിച്ചത്.

സംഭവത്തിൽ കേസെടുത്തതായും പ്രതികളെ ഉടൻ പിടികൂടുമെന്നും പോലീസ് പറഞ്ഞു. പ്രതികളെ കണ്ടെത്താനായി അംബാല ടോൾപ്ലാസ വരെയുള്ള സിസിടിവി ദൃശ്യങ്ങൾ പോലീസ് പരിശോധിച്ചുവരികയാണ്. കാർ മ മോക്ഷണം മാത്രമായിരുന്നു ഇവരുടെ ലക്ഷ്യം എന്നാണ് പ്രാഥമിക നിഗമനം.അതുകൊണ്ടാണ് ഭാര്യയെ പകുതിവഴിയിൽ ഉപേക്ഷിച്ചിട്ട് അവർ കടന്നുകളഞ്ഞത്.