മഹാരാഷ്ട്രയിലെ അഹമ്മദ് നഗറിലുള്ള അകോലെയിൽ നിന്നും പുറത്തുവരുന്ന വാർത്ത അത്യന്തം വേദനാജനകമാണ്. ഒരു വ്യാപാരിക്ക് ഗൂഗിൾ മാപ്പ് ഒരുക്കിയ വിയോഗത്തിന്റെ വാർത്തയാണ് പുറത്തുവരുന്നത്. ഗൂഗിൾമാപ്പ് നോക്കി ഓടിച്ചകാർ അണക്കെട്ടിൽവീണ് വ്യാപാരി മരിച്ചു. പുണെ പിംപ്രി-ചിഞ്ച്‌വാഡിൽ താമസിക്കുന്ന വ്യാപാരി സതിഷ് ഗുലെ (34)യാണ് മുങ്ങി മരിച്ചത്. ഒപ്പമുണ്ടായിരുന്ന സുഹൃത്തുക്കളായ ഗുരു ശേഖർ, സമീർ രാജുർകർ എന്നിവർ നീന്തി രക്ഷപ്പെട്ടു.ഓടിയെത്തിയ നാട്ടുകാരാണ് മൃതദേഹവും കാറും അണക്കെട്ടിൽനിന്ന് പുറത്തെടുത്തത്.ശനിയാഴ്ച രാത്രി അകൊലെക്കടുത്തുള്ള കൽസുബായ് മലകയറാൻ പോയതായിരുന്നു മൂവരും. കോട്ടുലിൽനിന്ന് അകൊലെയിലേക്കുള്ള എളുപ്പവഴിക്കായാണ് ഇവർ ഗൂഗിൾ മാപ്പിനെ ആശ്രയിച്ചത്.

മഴക്കാലത്ത് വെള്ളംകയറി പാലംമുങ്ങുകയും അപകടാവസ്ഥയിൽ ആവുകയും ചെയ്തതോടെ ഗതാഗതം നിരോധിച്ചവഴിയിലൂടെയായിരുന്നു ഇവരുടെ യാത്ര. എന്നാൽ ഇതുസംബന്ധിച്ച അറിയിപ്പുബോർഡുകളൊന്നും വഴികളിൽ സ്ഥാപിച്ചിരുന്നിെല്ലന്ന് പോലീസ് പറഞ്ഞു. അത്യന്തം ഞെട്ടിക്കുന്ന സംഭവമാണ് നടന്നിരിക്കുന്നത്. ഗൂഗിൾ മാപ്പ് കണിയൊരുക്കുന്ന സംഭവങ്ങൾ വീണ്ടും വീണ്ടും ആവർത്തിക്കുകയാണ്. ഇവിടെ ഗൂഗിൾ മാപ്പ് നോക്കി പോയ വ്യാപാരിക്ക് സ്വന്തം ജീവൻ നഷ്ടമായ അവസ്ഥയായിരുന്നു സംഭവിച്ചത്. ഗൂഗിൾ മാപ്പ് നോക്കി വഴിതെറ്റിയ നിരവധി സംഭവങ്ങൾ അടുത്തിടെ ഉണ്ടായിരുന്നു.