ബെംഗളൂരു കലാപത്തിലെ മുഖ്യ പ്രതികളെ വിട്ടയയ്ക്കണമെന്ന ആവശ്യം; ജനുവരി 22 ന് വൈകീട്ട് വരെ കടകള് അടച്ചിട്ട് പ്രതിഷേധം നടത്തുവാനൊരുങ്ങി മുസ്ലീം സംഘടനകള്
ജനുവരി 22 ന് വൈകീട്ട് വരെ കടകള് അടച്ചിട്ട് പ്രതിഷേധം നടത്തുവാനൊരുങ്ങുകയാണ് മുസ്ലീം സംഘടനകള്. ബെംഗളൂരു കലാപത്തിലെ മുഖ്യ പ്രതികളെ വിട്ടയയ്ക്കണമെന്ന ആവശ്യവുമായിട്ടാണ് മുസ്ലീം സംഘടനകള് ബന്ദ് പ്രഖ്യാപിച്ചിരിക്കുന്നത് . 28 മുസ്ലീം സംഘടനകളാണ് ബന്ദിന് ആഹ്വാനം ചെയ്തിരിക്കുന്നത്. മുസ്ലീം സംഘടനകള് ബന്ദ് പ്രഖ്യാപിച്ചതിനെ വിമര്ശിച്ച് ബിജെപി എംപി ശോഭ കരന്ത്ലജെ രംഗത്തെത്തിയിരിക്കുകയാണ് . കലാപം സൃഷ്ടിക്കുകയും നഗരത്തിന് തീവെയ്ക്കുകയും ചെയ്തവര്ക്ക് തക്കതായ ശിക്ഷ ലഭിക്കണം.
ഇന്ത്യന് ഭരണഘടനയ്ക്ക് ബഹുമാനം നല്കാതെയാണ് മുസ്ലീം സംഘടനകള് ബന്ദ് പ്രഖ്യാപിച്ചിരിക്കുന്നതെന്നും ശോഭ വ്യക്തമാക്കി . ബിജെപി വക്താവ് എസ് പ്രകാശും ഇതിനെ അനുകൂലിച്ച് സംസാരിക്കുകയുണ്ടായി . സമൂഹത്തില് ക്രമസമാധാനം നിലനിര്ത്താന് ശ്രമിക്കാതെ സംഘര്ഷം സൃഷ്ടിച്ചവരെ പിന്തുണയ്ക്കുകയാണ് മുസ്ലീം സംഘടനകള് ചെയ്യുന്നതെന്നും അദ്ദേഹം വ്യക്തമാക്കി. കഴിഞ്ഞ ഓഗസ്റ്റിലാണ് നിരവധി പേരുടെ മരണത്തിന് കാരണമായ കലാപം നടന്നത്. കോണ്ഗ്രസ് എംഎല്എ അഖണ്ഡ ശ്രീനിവാസ മൂര്ത്തിയുടെ ബന്ധുവിന്റെ മതവിദ്വേഷ സോഷ്യല് മീഡിയ പോസ്റ്റിനെ ചൊല്ലിയാണ് ബെംഗളൂരു കലാപം ആരംഭിച്ചത്. ഡിജെ ഹള്ളി, കെജി ഹള്ളി പോലീസ് സ്റ്റേഷനുകള് വളഞ്ഞ് പ്രതിഷേധക്കാര് സംഘര്ഷം സൃഷ്ടിക്കുകയായിരുന്നു.
https://www.facebook.com/Malayalivartha
