ബംഗാളില് മമത വീഴുന്നു.... മമതാ ബാനര്ജിയുടെ യുഗം തീരുകയാണോ?
16 JANUARY 2021 02:10 PM IST
മലയാളി വാര്ത്ത
വര്ജിതേന്ദ്ര തിവാരി അസന്സോള് , ദീപ്തംഗ്ഷു ചൗധരി എന്നിവര്ക്കു പിന്നാലെ ടിഎംസി വിട്ട സുവേന്ദു അധികാരിയുടെ സ്വാധീനത്തില് 40 എംഎല്എമാര് പാര്ട്ടി വിടാനൊരുങ്ങുന്നുവെന്നതാണ് മമതയെ ഞെട്ടിക്കുന്ന സാഹചര്യം.
ഇവര് കൂടി പാര്ട്ടി വിട്ടാല് മമത ബംഗാളില് ഒന്നുമല്ലാതാവും. അടിത്തറയിളകിയ നിലയില് ഒരു തെരഞ്ഞെടപ്പിനെ നേരിട്ട് വീണ്ടും ഭരണം പിടിക്കാന് മമതയ്ക്ക് കഴിയുമോ എന്നതാണ് കണ്ടറിയേണ്ടത്. ബംഗാള് പിടിക്കാനുള്ള തന്ത്രങ്ങള് മെനയാന് വിവിധ സംസ്ഥാനങ്ങളിലെ ആറ് മന്ത്രിമാരെയാണ് ബിജെപി നിയമിച്ചിരുന്നത.
്അന്പതോളം തൃണമൂല് എംഎല്എമാര് ഉടന് ബിജെപിയില് ചേരുമെന്നു ബംഗാള് ബിജെപി അധ്യക്ഷന് ദിലീപ് ഘോഷിന്റെ പ്രസ്താവനയ്ക്കു തൊട്ടുപിന്നാലെയാണ് താന് തൃണമൂല് കോണ്ഗ്രസ് വിടുന്നതായുള്ള ശതാബ്ദി റോയിയുടെ ഫെയ്സ്ബുക് പോസ്റ്റ് പ്രത്യക്ഷപ്പെട്ടത്. മുന്മന്ത്രി സുവേന്ദു അധികാരി ഉള്പ്പെടെ ഏഴ് എംഎല്എമാര് പാര്ട്ടിവിട്ടതിനു തൊട്ടുപിന്നാലെ ഡിസംബര് 29 ന് മമത പങ്കെടുത്ത ആദ്യ പൊതുപരിപാടിയില് മമതയ്ക്കൊപ്പം നിലകൊണ്ട ശതാബ്ദിയുടെ മനംമാറ്റം പാര്ട്ടി കേന്ദ്രങ്ങളെ ഞെട്ടിച്ചിരുന്നു.
പാര്ട്ടിയില് കൂടിയാലോചനകളില്ലെന്നും പല പൊതുപരിപാടികളില് നിന്നും തന്നെ ബോധപൂര്വ്വം മാറ്റിനിര്ത്തുകയാണെന്നും ഏറെ മാനസിക പ്രയാസം അനുഭവിക്കുന്നതായും ശതാബ്ദി റോയ് സമൂഹമാധ്യമങ്ങളിലൂടെ പ്രതികരിച്ചു. എന്നാല് ബിജെപി നീക്കങ്ങളില് ആശങ്കയില്ലെന്നും അഴുകിത്തുടങ്ങിയ ചില എംഎല്എമാരെ വിലയ്ക്കു വാങ്ങാന് കഴിഞ്ഞുവെന്ന് വച്ച് തൃണമൂലിനെയാകെ വാങ്ങാന് കഴിയുമെന്ന് വിചാരിക്കരുതെന്നും മമത ബാനര്ജി നേരത്തെ പ്രതികരിച്ചിരുന്നു. പുറത്തുനിന്നുള്ളവരുടെ പാര്ട്ടിയായ ബിജെപി വിദ്വേഷ രാഷ്ട്രീയവും തട്ടിപ്പു രാഷ്ട്രീയവുമാണ് പയറ്റുന്നതെന്ന് മമത പ്രതികരിക്കുകയും ചെയ്തു.
താന് തൃണമൂലിനൊപ്പം തന്നെ ഉണ്ടാകുമെന്നാണ് ബിര്ഭൂമില് നിന്നുള്ള എം.പി ശതാബ്ദി അറിയിച്ചു. നാളെ ദല്ഹിക്ക് പോകുന്നില്ലെന്നും തുടര്ന്നും തൃണമൂലിനൊപ്പമായിരിക്കുമെന്നും ശതാബ്ദി റോയ് പറഞ്ഞു. അഭിഷേക് ബാനര്ജിയുമായി താന് കൂടിക്കാഴ്ച നടത്തിയെന്നും തന്റെ പ്രശ്നങ്ങള് എല്ലാം അഭിഷേകിനോട് ഉന്നയിച്ചെന്നും ശതാബ്ദി വ്യക്തമാക്കിയിരിക്കുന്നു..
പാര്ട്ടിയില് കൂടിയാലോചനകളില്ലെന്നും പല പൊതുപരിപാടികളില് നിന്നും തന്നെ ബോധപൂര്വ്വം മാറ്റിനിര്ത്തുന്നുവെന്നും ഏറെ മാനസിക പ്രയാസം അനുഭവിക്കുന്നെന്നുമായിരുന്നു ശതാബ്ദി നടത്തിയ വിമര്ശനം. കേന്ദ്ര ആഭ്യന്തരമന്ത്രി അമിത് ഷായുമായി കൂടിക്കാഴ്ച നടത്താനാണ് അവര് ഡല്ഹിയിലേക്ക് പോകുന്നതെന്ന തരത്തില് വാര്ത്തകള് പ്രചരിച്ചിരുന്നു. ശനിയാഴ്ച ഉച്ചയ്ക്ക് രണ്ടിന് ഒരു സുപ്രധാന പ്രഖ്യാപനം നടത്തിയേക്കുമെന്ന സൂചന അവര് തന്റെ ഫാന് ക്ലബ്ബിന്റെ ഫെയ്സ്ബുക്ക് പേജിലൂടെയാണ് അവര് പുറത്തുവിട്ടത് അഭ്യൂഹങ്ങള്ക്ക് വിരാമമിട്ടുകൊണ്ടാണ് തൃണമൂല് കോണ്ഗ്രസില്തന്നെ തുടരുമെന്ന ശതാബ്ദിയുടെ പ്രഖ്യാപനം.
ഡയമണ്ട് ഹാര്ബര് എം.പി അഭിഷേക് ബാനര്ജിയുമായി നടത്തിയ ഒരു മണിക്കൂര് നീണ്ട ചര്ച്ചയ്ക്ക് ശേഷമാണ് അവര് പാര്ട്ടിയില് തുടരുമെന്ന് വ്യക്തമാക്കിയിട്ടുള്ളതെങ്കിലും തീരുമാനം വീണ്ടും മാറുമോ എന്ന വ്യക്തമല്ല. ഏപ്രില് ആദ്യ വാരം പശ്ചിമബംഗാളില് നിയമസഭാ തെരഞ്ഞെടുപ്പ് നടക്കുമെന്നാണ് പ്രതീക്ഷിക്കപ്പെടുന്നത്. മെയിലാകും ഫലപ്രഖ്യാപനം. അപ്പോഴേക്കും തൃണമൂല് ശേഷിക്കുമോ മമത പുറത്താകുകമോ എന്നതാണ് നിര്ണായകം. എന്തായാലും ബംഗാള് പിടിക്കാനുള്ള ബിജെപി നീക്കം എല്ലാ സീമകളും വിട്ടു മുന്നേറുകയാണ്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
