ഫ്‌ലാറ്റ് പണിയാനായി നിര്‍മ്മാതാക്കള്‍ക്ക് പണം നല്‍കി ചതിവ് പറ്റിയവര്‍ നിരവധിയാണ് കേരളത്തില്‍. അതില്‍ ചെറുതും വലുതുമായ നിരവധി കമ്പനികള്‍ തട്ടിപ്പിന്റെ കാര്യത്തില്‍ ഒന്നുപോലായിരുന്നു. ചോദിക്കുമ്പോള്‍ ഉടന്‍ പണിതീരുമെന്ന ഒഴുക്കന്‍ മറുപടിയും. അത്തരം തട്ടിപ്പുകള്‍ക്ക് ഇനി തലവെക്കേണ്ട.
ഫ്‌ലാറ്റ് കൈമാറാന്‍ നിര്‍മ്മാതാക്കള്‍ വൈകിയാല്‍ ഇനി മുതല്‍ നിങ്ങള്‍ ഫ്‌ലാറ്റിന് അടച്ച തുകയ്ക്ക് 12 ശതമാനം പലിശ ഫ്‌ലാറ്റ് കമ്പനിയോട് ആവശ്യപ്പെടാം. ദേശീയ ഉപഭോക്തൃ കോടതിയാണ് (നാഷണല്‍കണ്‍സ്യൂമര്‍ ഡിസ്പ്യൂട്ട്‌സ് റെഡ്രെസ്സല്‍ കമ്മീഷന്‍) ഈ നിര്‍ണായക വിധി പുറപ്പെടുവിച്ചിരിക്കുന്നത്. റിയല്‍ എസ്‌റ്റേറ്റ് അതികായനായ യൂണിടെക്കിനോടാണ് ഇത്തരത്തില്‍ ഉപഭോക്താവിന് വര്‍ഷത്തില്‍ 12 ശതമാനം പലിശ കൊടുക്കാന്‍ കോടതി ആവശ്യപ്പെട്ടിരിക്കുന്നത്. കമ്പനി പറഞ്ഞ സമയത്ത് ഉപഭോക്താവിന് ഫ്‌ലാറ്റ് നല്‍കിയില്ലെന്ന കേസിലാണീ വിധി.
ഗുഡ്ഗാവ്‌ലെ സെക്ടര്‍ 70 ലെ വിസ്റ്റാസിലെ ഹൗസിങ് പ്രൊജക്ടില്‍ ഫ്‌ലാറ്റ് ബുക്ക് ചെയ്ത 24 പേര്‍ സമര്‍പ്പിച്ച പരാതിയിലാണീ വി ധിയുണ്ടായിരിക്കുന്നത്. 2009-2010 കാലത്താണ് തങ്ങള്‍ ഫ്‌ലാറ്റ് ബുക്ക് ചെയ്തതെന്നും അപ്പോള്‍ 36 മാസത്തിനിടെ ഫ്‌ലാറ്റ് നല്‍കുമെന്നുമാണ് കമ്പനി വാഗ്ദാനം ചെയ്തിരുന്നതെന്നും എന്നാല്‍ കമ്പനി അത് പാലിച്ചില്ലെന്നുമാണ് ഉപഭോക്താക്കള്‍ പരാതിപ്പെട്ടിരിക്കുന്നത്. ആളുകള്‍ ഫ്‌ലാറ്റിന് ബുക്ക് ചെയ്ത തിയതി മുതല്‍ ഫ്‌ലാറ്റ് കൊടുക്കാമെന്ന് കമ്പനി വാഗ്ദാനം ചെയ്ത തിയതി വരെയുള്ള കാലത്തിനിടെ വര്‍ഷത്തില്‍ 12 ശതമാനം പലിശ നല്‍കണമെന്നാണ് ജസ്റ്റിസ് വി.കെ.ജെയിന്‍ ഉത്തരവിട്ടിരിക്കുന്നത്. 2016 ഫെബ്രുവരിക്കും 2018 ഫെബ്രുവരിക്കുമിടയില്‍ ഫ്‌ലാറ്റ് നല്‍കാമെന്നാണ് കമ്പനി നല്‍കിയിരിക്കുന്ന പുതിയ വാഗ്ദാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha