ഇറാഖിലെ ഐസിസി ഭീകരര്‍ ആണവായുധ നിര്‍മാണത്തിലേക്ക് കടക്കുന്നതായി ആസ്‌ത്രേലിന്‍ രഹസ്യാന്വേഷണ വിഭാഗം റിപ്പോര്‍ട്ട് ചെയ്തു. ഇതിനുമുമ്പ് ഇന്ത്യ ഇക്കാര്യം പറഞ്ഞിരുന്നു. പാകിസ്ഥാനില്‍ നിന്ന് ആണവായുധങ്ങള്‍ ശേഖരിക്കാനുള്ള സാധ്യതയെക്കുറിച്ച് ഇന്ത്യയുടെ പ്രതിരോധ വകുപ്പ് ഉദ്യോഗസ്ഥര്‍ മുന്നറിയിപ്പ് നല്‍കിയിരുന്നു. ഇത് അവഗണിച്ച് ലോകരാഷ്ടങ്ങള്‍ മുന്നോട്ട് പോകുബോഴാണ് പുതിയ റിപ്പോര്‍ട്ട് പുറത്ത് വരുന്നത്.
വന്‍തോതിലുള്ള നശീകരണപ്രവര്‍ത്തനങ്ങള്‍ നടത്താനാണ്‌ഐസിസ് തീവ്രവാദികള്‍ അണുവായുധ നിര്‍മാണത്തിന് തയ്യാറെടുക്കുന്നത്. ആദ്യ അണുബോംബ് നിര്‍മിക്കാനായി ആവശ്യത്തിനുള്ള റേഡിയോ ആക്ടീവ് വസ്തുക്കള്‍ പിടിച്ചെടുത്തതായിട്ടാണ് ആസ്‌ട്രേലിയന്‍ രഹസ്യാന്വേഷണവിഭാഗം റിപ്പോര്‍ട്ടു ചെയ്തത്.
വന്‍സ്‌ഫോടനങ്ങള്‍ നടത്താനായി ആയുധങ്ങള്‍ നിര്‍മ്മിക്കാനുള്ള ലക്ഷ്യം ഐസിസ് മുമ്പ് പ്രചാരണ മാസികയായ ദബിഖിലൂടെ മുമ്പ് വ്യക്തമാക്കിയിട്ടുണ്ട്. ഗവേഷണകേന്ദ്രങ്ങളില്‍ നിന്നും ആശുപത്രികളില്‍ നിന്നും പിടിച്ചെടുത്തതായി അവകാശപ്പെടുന്ന ഇത്തരം വസ്തുക്കള്‍ സാധാരണയായി രാഷ്ട്രഭരണകൂടങ്ങളുടെ അറിവില്ലാതെ ലഭ്യമാവില്ലെന്ന് നാറ്റോ ആശങ്ക പ്രകടിപ്പിച്ചതായി ആസ്‌ട്രേലിയന്‍ വിദേശകാര്യമന്ത്രി ജൂലി ബിഷപ്പ് അറിയിച്ചു. അമേരിക്കയും ഇസ്രായേലുമടങ്ങുന്ന രാഷ്ടങ്ങളുടെ പിന്തുണ ഐസിസിനുണ്ടെന്ന് നേരത്തെ ആരോപണ മുയര്‍ന്നിരുന്നു. എന്നാല്‍ ആണവായുധ നിര്‍മാണത്തിന് തയ്യാറെടുക്കുന്നുവെന്ന വാര്‍ത്ത ലോകരാജ്യങ്ങള്‍ വളരെ ആശങ്കയോടെയാണ് കാണുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha