തിരഞ്ഞെടുപ്പു പ്രചാരണത്തിനിടെ സ്ത്രീകളുടെ ശരീരത്തെക്കുറിച്ച്‌ വിവാദപ്രസ്താവന നടത്തി ഡിഎംകെ സ്ഥാനാര്‍ഥി ഡിണ്ടിഗുല്‍ ലിയോണി. സ്ത്രീകള്‍ ഇപ്പോള്‍ വിദേശ പശുക്കളുടെ പാല്‍ കുടിക്കാന്‍ തുടങ്ങി. അതോടെ അവര്‍ വീപ്പപോലെയായെന്നും ലിയോണി പ്രസ്താവനയില്‍ പറയുന്നു.

"സ്ത്രീകള്‍ക്ക് അവരുടെ ആകാരവടിവ് നഷ്ടമായി. വിദേശ പശുക്കളുടെ പാല്‍‌ കുടിക്കുന്നതാണ് ഇത്രയ്ക്ക് ഭാരം വെയ്ക്കാന്‍ കാരണം. പണ്ടൊക്കെ സ്ത്രീകളുടെ ഇടുപ്പ് ഭാഗത്ത് കുട്ടികളെ വെയ്ക്കുമായിരുന്നു. ഇപ്പോള്‍ അവര്‍ വീപ്പ പോലെയായി. കുട്ടികളെ എടുക്കാന്‍ പോലും പറ്റുന്നില്ല." - ലിയോണി പ്രസ്താവനയില്‍ പറയുന്നു.

എന്നാല്‍, ലിയോണിയുടെ പ്രസംഗത്തിനിടെ പാര്‍ട്ടി പ്രവര്‍ത്തകരാരും ഇടപെട്ടില്ല. ഇയാള്‍ക്കെതിരെ വ്യാപക വിമര്‍ശനങ്ങളാണ് സമൂഹമാധ്യമങ്ങളില്‍ ഉയരുന്നത്.