ഇന്ത്യയിലെ ഏറ്റവും വലിയ എണ്ണ-വാതക നിര്‍മാതാക്കളാണ് ഓയില്‍ ആന്റ് നാച്യുറല്‍ ഗ്യാസ് കോര്‍പറേഷന്‍. പൊന്മുട്ടയിടുന്ന താറാവായ ​പെട്രോളിയം കമ്പനിയായിട്ടുള്ള ഒ.എൻ.ജി.സിയെ അതിവേഗം വിറ്റുതുലക്കാൻ കേന്ദ്രം വീണ്ടും തയ്യാറെടുക്കുന്നു എന്ന വാർക്കളാണ് ഇപ്പോൾ ലഭിച്ചരിക്കുന്നത്. എണ്ണപ്പാടങ്ങൾ സ്വകാര്യ മേഖലക്ക്​ കൈമാറാനും എണ്ണ ഖനനം ഉൾപെടെ സേവനങ്ങൾ വിവിധ കമ്പനികൾക്കായി മുറിച്ചുനൽകാനും നിലവിലെ അടിസ്​ഥാന സൗകര്യങ്ങൾ​ പണമാക്കിമാറ്റാനുമാണ്​ പെട്രോളിയം മന്ത്രാലയത്തിൻെറ നി​ർദേശം​.

പെട്രോളിയം മന്ത്രാലയത്തിന്റെ അഡീഷണല്‍ സെക്രട്ടറി അമര്‍ നാഥ് ഏപ്രിന്‍ ഒന്നിന് ആണ് ഒഎന്‍ജിസി ചെയര്‍മാന്‍ സുഭാഷ് കുമാറിന് ഏഴിന പ്രവര്‍ത്തന പദ്ധതി കൈമാറിയത്. കമ്പനിയെ സ്വകാര്യ വല്‍ക്കരിക്കുക, വൈവിധ്യവല്‍ക്കരിക്കുക, വരുമാനം വര്‍ധിപ്പിക്കുക തുടങ്ങിയ ലക്ഷ്യത്തോടെയാണ് സര്‍ക്കാരിന്റെ ഇടപെടല്‍.

2023- 24 ഓടെ എണ്ണ ഉൽപാദനം മൂന്നിലൊന്ന്​ ഉയർത്തുന്നതാണ്​ പദ്ധതിയെന്ന്​ കത്ത്​ ചൂണ്ടിക്കാട്ടുന്നു. പശ്​ചിമ തീരങ്ങളിലെ പന്ന- മുക്​ത, രത്​ന, ആർ- സീരീസ്​ എണ്ണപ്പാടങ്ങൾ, ഗുജറാത്തിലെ ഗന്ധർ എന്നിവയിലെ ഓഹരികൾ സ്വകാര്യ മേഖലക്ക്​ വിൽക്കാൻ ഒ.എൻ.ജി.സിയോട്​ ​ശിപാർശ ചെയ്യുന്നു.

അടുത്ത വർഷത്തോടെ ഉൽപാദനം വർധിക്കുമെന്ന്​ പ്രതീക്ഷിക്കുന്ന എണ്ണ സമ്പന്നമായ കെ.ജി-ഡി.ഡബ്ല്യു.എൻ- 98/2, പശ്​ചിമ ബംഗാളിൽ പുതുതായി ഉൽപാദനം ആരംഭിച്ച അശോക്​ നഗർ എണ്ണപ്പാട​ങ്ങളിൽ വിദേശ പങ്കാളിത്തം ക്ഷണിക്കാനും നിർദേശം നൽകിയിട്ടുണ്ട്​.

വർഷങ്ങൾക്ക്​ മുമ്പ്​ ഗുജറാത്ത്​ സർക്കാറിനു കീഴിലെ ജി.എസ്​.പി.സിയിൽ നിന്ന്​ വാങ്ങിയ ദീൻദയാൽ​ ​ബ്ലോക്കിലും സ്വകാര്യ പങ്കാളിത്തത്തിന്​ നിർദേശം നൽകുന്നു​. എണ്ണ പര്യവേക്ഷണം, ഖനനം, അനുബന്ധ സേവനങ്ങൾ, ഡേറ്റ പ്രോസസിങ്​ എന്നിവയൊക്കെയും വെവ്വേറെ കമ്പനികൾക്കു കീഴിലാക്കുന്നതും മന്ത്രാലയത്തിന്‍റെ ശിപാർശകളിൽ പെട്ടതാണ്​. ഒ.​എൻ.ജി.സിക്കു കീഴിലെ എണ്ണ, വാതകപാടങ്ങൾ സ്വകാര്യമേഖലക്ക്​ കൈമാറാൻ മോദി സർക്കാർ നടത്തുന്ന മൂന്നാം ശ്രമമാണിത്​.

2017 ഒക്​ടോബറിൽ ഒ.എൻ.ജി.സിക്കു കീഴിലെ 15 എണ്ണപ്പാടങ്ങളും 79.12കോടി ടൺ ക്രൂഡ്​ ഓയിലും 33.34 കോടി ക്യുബിക്​ മീറ്റർ പ്രകൃതി വാതകവും വിൽപനക്കായി മന്ത്രാലയം ​അടയാളപ്പെടുത്തിയിരുന്നു.

ഒരു വർഷം കഴിഞ്ഞ്​ ഇതിന്‍റെ എണ്ണം കൂടി ചെറിയവ ഉൾപെടെ 149 എണ്ണപ്പാടങ്ങൾ ഈ ഗണത്തിൽ മന്ത്രാലയം ഉൾപെടുത്തി. ഇതുപക്ഷേ, ഒ.എൻ.ജി.സിയിൽ നിന്നുള്ള കടുത്ത എതിർപ്പിൽ എവിടെ​യുമെത്താതെ പോയി.

2019 ഫെബ്രുവരിയിൽ വീണ്ടും കേന്ദ്ര മന്ത്രിസഭയിലെത്തിയ പദ്ധതി 64 എണ്ണപ്പാടങ്ങൾ വിൽക്കാൻ തീരുമാനിച്ചു. പക്ഷേ, അപേക്ഷകർ ചെറുതാവുകയും നിക്ഷേപ പ്രഖ്യാപനങ്ങൾ ​ശുഷ്​കമാകുകയും ചെയ്​തതോടെ അതും ഉപേക്ഷിച്ചു.

ഇതിന്‍റെ തുടർച്ചയായാണ്​ മൂന്നാം പ്രഖ്യാപനം വരുന്നത്​. 2019ലെ പ്രഖ്യാപനം വന്ന്​ രണ്ടു വർഷം കഴിഞ്ഞെന്നും ഇനിയും കാത്തിരിക്കാനാകില്ലെന്നുമാണ്​ കേന്ദ്രത്തിന്റെ നിലപാട്​.

2020-21 സാമ്പത്തിക വർഷം ഒ.എൻ.ജി.സി എണ്ണപാടങ്ങളിൽ നിന്ന്​ 2.02 കോടി ടൺ അസംസ്​കൃത എണ്ണയാണ്​ ഉൽപാദിപ്പിച്ചത്​. 21.87 ബില്യൺ ക്യുബിക്​ മീറ്റർ പ്രകൃതി വാതകവും. രണ്ടു വർഷം കഴിയുേമ്പോഴേക്ക്​ എണ്ണ ഇരട്ടിയായും പ്രകൃതി വാതകം ഇരട്ടിയിലേറെയായും വർധിപ്പിക്കുകയാണ്​ ഇപ്പോഴുള്ള ലക്ഷ്യം.

കമ്പനിയുടെ ഓരോ മേഖലയും പ്രത്യേകം കമ്പനികളാക്കി മാറ്റാനും നിര്‍ദേശമുണ്ട്. നരേന്ദ്ര മോദി സര്‍ക്കാര്‍ അധികാരത്തിലെത്തിയ ശേഷം ഒഎന്‍ജിസിയെ സ്വകാര്യ വല്‍ക്കരിക്കാന്‍ നടത്തുന്ന മൂന്നാമത്തെ നീക്കമാണിത്. 2017 ഒക്ടോബറില്‍ ഒഎന്‍ജിസിയെ സ്വകാര്യ വല്‍ക്കരിക്കാന്‍ സര്‍ക്കാര്‍ നടപടികള്‍ തുടങ്ങിയിരുന്നു.