രാഹുല്ഗാന്ധിയെ യുഎസില് മയക്കുമരുന്നുമായി പിടികൂടി, രക്ഷിച്ചതു വാജ്പേയിയെന്ന് സുബ്രഹ്മണ്യന് സ്വാമി
രാഹുല്ഗാന്ധിയെ മയക്കുമരുന്ന് കൈവശം വച്ചതിനു യുഎസ് പോലീസ് അറസ്റ്റു ചെയ്തിരുന്നുവെന്നു ബിജെപി നേതാവ് സുബ്രഹ്മണ്യന് സ്വാമിയുടെ വെളിപ്പെടുത്തല്. 2001-ലാണു സംഭവം നടന്നത്. 1.60 ലക്ഷം യൂഎസ് ഡോളറും മയക്കുമരുന്നുമായി രാഹുലിനെ യുഎസില് ഫെഡറല് ബ്യൂറോ ഓഫ് ഇന്വസ്റ്റിഗേഷന് അധികൃതര് പിടികൂടി.
രാഹുലിനെ രക്ഷിക്കണമെന്നാവശ്യപ്പെട്ട് സോണിയഗാന്ധി പ്രധാനമന്ത്രിയായിരുന്ന എ.ബി. വാജ്പേയിയെ സമീപിച്ചുവെന്നും അദ്ദേഹം ഇടപെട്ടതു കൊണ്ടാണു രാഹുലിനെ യുഎസ് പോലീസ് വിട്ടയച്ചതെന്നും സ്വാമി ആരോപിച്ചു. ഒരു ഹിന്ദി പത്രത്തിനു നല്കിയ അഭിമുഖത്തിലാണു സ്വാമിയുടെ വെളിപ്പെടുത്തല്.
ലളിത് മോദി വിവാദത്തില് രാജസ്ഥാന് മുഖ്യമന്ത്രി വസുന്ധര രാജെയ്ക്ക് പിന്തുണ പ്രഖ്യാപിച്ചു സംസാരിക്കുന്നതിനിടെയാണു രാഹുലിനെതിരേ ഗുരുതര ആരോപണങ്ങള് സ്വാമി ഉന്നയിച്ചത്. രാജെയ്ക്കെതിരേ ആരോപണമുന്നയിക്കുന്ന കോണ്ഗ്രസ് ആദ്യം സ്വയം തിരിഞ്ഞു നോക്കണമെന്നു സ്വാമി പറഞ്ഞു. ഝാന്സി റാണിയെപ്പോലെയാണ് രാജെ എന്നും ഏത് വിവാദത്തില്നിന്നും അവര് സ്വയം തിരിച്ചുവരുമെന്നും സ്വാമി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
