പിതാവില്‍ നിന്നും ഗര്‍ഭിണിയായ പതിനാലുകാരിയുടെ ആരോഗ്യത്തെ ഗര്‍ഭം ദോഷകരമായി ബാധിക്കുമെന്നതിനാല്‍ ഗര്‍ഭഛിദ്രം നടത്തണമെന്ന ഡോക്ടറുടെ ഉപദേശത്തിനെതിരെ പെണ്‍കുട്ടി കോടതിയിലെത്തി.

ഗര്‍ഭഛിദ്രം നടത്താനുള്ള ഡോക്ടറുടെ ഉപദേശത്തെ മറികടന്നാണ് പിതാവ് സമ്മാനിച്ച കുഞ്ഞിനെ വളര്‍ത്താനും പ്രസവിക്കാനും അനുവദിക്കണമെന്ന് 14 കാരി കോടതിയില്‍ ആവശ്യപ്പെട്ടിട്ടുള്ളത്. മകളെ ബലാത്സംഗം ചെയ്ത് ഗര്‍ഭിണിയാക്കിയ കുറ്റത്തിന് ജയില്‍ശിക്ഷ അനുഭവിക്കുകയാണ് പിതാവ്.

ആരോഗ്യത്തെ ദോഷകരമായി ബാധിക്കുമെന്ന് കണ്ടതോടെ ജൂലൈ 20 ന് ഗര്‍ഭഛിദ്രം നടത്താന്‍ പെണ്‍കുട്ടിയോട് ഡോക്ടര്‍മാര്‍ ആവശ്യപ്പെട്ടതോടെയാണ് പെണ്‍കുട്ടി കോടതിയെ സമീപിച്ചത്. തന്റെ കുഞ്ഞ് ലോകത്തിലേക്ക് പിറന്നു വീഴണമെന്നും ഭാവിയില്‍ അതുമായി ഒരു ബന്ധവും ആഗ്രഹിക്കുന്നില്ലെന്നും പെണ്‍കുട്ടി നിലപാട് എടുത്തു. കുഞ്ഞിനെ കുട്ടികളില്ലാത്ത ദമ്പതികള്‍ക്ക് നല്‍കാന്‍ താല്‍പ്പര്യമുണ്ടെന്നും പെണ്‍കുട്ടി കോടതിയില്‍ പറഞ്ഞിട്ടുണ്ട്.

കുടുംബം പിന്തുണയ്ക്കാത്ത പെണ്‍കുട്ടിയുടെ കേസ് പോലീസിന് മുന്നിലേക്ക് കൊണ്ടുവന്നത് നഗരത്തിലെ സാമൂഹ്യപ്രവര്‍ത്തകരാണ്. എന്നാല്‍ പെണ്‍കുട്ടിയുടെ ജീവന്‍ തന്നെ അപകടത്തിലാകുന്ന സാഹചര്യത്തില്‍ ഗര്‍ഭഛിദ്രം നടത്താന്‍ ഡോക്ടര്‍മാര്‍ നിര്‍ദേശിക്കുകയായിരുന്നു. കേസ് പിന്നത്തേക്ക് മാറ്റിവെച്ച കോടതി പെണ്‍കുട്ടിയെ സ്വരൂപ് നഗറിലെ വനിതാക്ഷേമ കേന്ദ്രത്തിലേക്ക് അയച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക