മധ്യപ്രദേശില് വന് ട്രെയിന്ദുരന്തം,രണ്ട് ട്രെയിനുകള് പാളം തെറ്റി നദിയിലേക്ക് മറിഞ്ഞു
മധ്യപ്രദേശിലെ ഹാര്ദയില് വന് ട്രെയിന് ദുരന്തം, രണ്ട് ട്രെയിനുകള് പാളം തെറ്റി. രണ്ടു ട്രയിനുകളും കനത്ത മഴയെതുടര്ന്നാണ് പാളം തെറ്റിയത്. മുംബൈ വാരാണസി കാമയാനി എക്സ്പ്രസ് , ജബല് പൂര് മുംബൈ ജനതാ എക്സ്പ്രസുമാണ് പാളം തെറ്റിയത് .ഇതില് മുംബൈ വാരാണസി കാമയാനി എക്സ്പ്രസാണ് ആദ്യം അപകടത്തില് പെട്ടത്, പാളം തെറ്റിയ ട്രെയിന് മച്ചക് നദിയിലേക്കു മറിഞ്ഞത് അപകടത്തിന്റെ വ്യാപ്തി കൂട്ടി. കനത്തമഴയില് കരകവിഞ്ഞൊഴുകുകയായിരുന്ന നദിയില് നിരവധിപേര് ഒഴുക്കില് പെടുകയും ചെയ്തു.
ഇന്നലെ അര്ദ്ധരാത്രി മധ്യപ്രദേശിലെ ഹാര്ദ റെയില്വെ സ്റ്റേഷനില് നിന്നും 25 കിലോമീറ്ററകലെയാണ് ദുരന്തമുണ്ടായത്.കാമയാനി എക്സ്പ്രസിന്റെ ആറുബോഗികള് നദിയിലേക്ക് മറിഞ്ഞു ഇതില് രണ്ടെണ്ണം ഒഴുകിപ്പോയതായും റിപ്പോര്ട്ടുകളുണ്ട്. നിരവധിപേര് മരണപ്പെട്ടതായി സംശയിക്കുന്നു.കനത്ത മഴയില് മച്ചക് നദിയില് അപകടകരമായി വെളളമുയര്ന്നത് രക്ഷാപ്രവര്ത്തനം ദുഷ്കരമാക്കിയിട്ടുണ്ട്. ഡോക്ടര്മാരും രക്ഷാപ്രവര്ത്തകരും അടങ്ങിയ സംഘം മറ്റൊരു ട്രെയിനില് സംഭവ സ്ഥലത്തേക്ക് പുറപ്പെട്ടിട്ടുണ്ട്. കനത്ത മഴയെതുടര്ന്നാണ് അപകടമുണ്ടായതെന്ന് റിപ്പോര്ട്ടുകളുണ്ട്. അതേ സമയം പാളംതെറ്റിയ ജനതാ എക്സ്പ്രസിന്റെ അപകട വിവരങ്ങള് ലഭ്യമായിട്ടില്ല.
അപകടത്തെ തുടര്ന്ന് ഉന്നത റെയില്വെ ഉദ്യോഗസ്ഥരോട് സംഭവസ്ഥലത്തേക്ക് പോയി രക്ഷാപ്രവര്ത്തനത്തിന് നേതൃത്വം നല്കാന് റെയില്വെ മന്ത്രി സുരേഷ് പ്രഭു ആവശ്യപ്പെട്ടിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
