ഐസിസ് മോചിപ്പിച്ച ഇന്ത്യക്കാര് നാട്ടിലെത്തി, മറ്റു രണ്ടുപേരെ വിട്ടയക്കാനുള്ള നീക്കം ഊര്ജ്ജിതം
ലിബിയയില് ഐസിസിന്റെ പിടിയിലായ നാലു ഇന്ത്യക്കാരില് മോചിതരായ രണ്ട് പേര് നാട്ടിലെത്തി. കര്ണാടക സ്വദേശി പ്രൊഫ. ലക്ഷ്മികാന്ത് രാമകൃഷ്ണയും വിജയകുമാറുമാണ് തിരികെയെത്തിയവര്. യൂണിവേഴ്സിറ്റി അദ്ധ്യാപകനായ രാമകൃഷ്ണയെ തിരിച്ചറിഞ്ഞ ഐസിസ് അംഗങ്ങളായ പൂര്വ വിദ്യാര്ത്ഥികളാണ് ഇവരെ മോചിപ്പിക്കാന് മുന്കൈയെടുത്തത്. എന്നാല്, കൂടെയുണ്ടായിരുന്ന ബല്റാം, ഗോപീകൃഷ്ണ എന്നിവരെ മോചിപ്പിച്ചിട്ടില്ല.
ഇതോടെ തന്റെ വിദ്യാര്ത്ഥികളില് ഏറെയും ഐസിസില് അംഗങ്ങളാണെന്ന് മനസിലാക്കാനായെന്ന് രാമകൃഷ്ണ പറഞ്ഞു.സംഘത്തിലെ പലര്ക്കും 13നും 17നും വയസിനിടയിലാണ് പ്രായം. മോചിപ്പിക്കുന്നതിനു മുമ്പ് ഭക്ഷണവും വസ്ത്രവും വാങ്ങിത്തന്ന് മാന്യമായാണ് പെരുമാറിയത്. മറ്റു രണ്ടുപേരെക്കുറിച്ച് വിഷമിക്കേണ്ടതില്ലെന്നും അവര് സുരക്ഷിതരായിരിക്കുമെന്നും സംഘത്തലവന് വ്യക്തമാക്കിയിട്ടുണ്ട്. തനിക്ക് അറബിയില് ഒരു സന്ദേശം നല്കാനുണ്ട്. ഇത് അന്താരാഷ്ട്ര മാദ്ധ്യമങ്ങള് സംപ്രേക്ഷണം ചെയ്താല് ബന്ദികളായി തുടരുന്ന തന്റെ സുഹൃത്തുക്കളുടെ മോചനത്തിന് സഹായകമാകുമെന്ന് പ്രതീക്ഷിക്കുന്നതായും രാമകൃഷ്ണ പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
