ബിഹാര്‍ നിയമസഭയിലേക്ക് ഒക്ടോബറില്‍ നടക്കുന്ന തിരഞ്ഞെടുപ്പില്‍ ബി.ജെ.പിയുടെ നേതൃത്വത്തിലുള്ള എന്‍.ഡി.എ സഖ്യം കേവലഭൂരിപക്ഷം നേടുമെന്ന് സര്‍വേ ഫലം. ഇന്ത്യാ ടുഡേ ഗ്രൂപ്പും, സിസറോയും നടത്തിയ സംയുക്ത സര്‍വേയിലാണ് മുഖ്യമന്ത്രി നിതീഷ് കുമാറിന്റെ ഐക്യജനതാദളിന് ഭരണം നഷ്ടമാകുമെന്ന് പ്രവചിക്കുന്നത്. അതേസമയം, മികച്ച മുഖ്യമന്ത്രി സ്ഥാനാര്‍ത്ഥി നിതീഷ് കുമാറാണെന്ന് സര്‍വേയില്‍ 29 ശതമാനം പേരും അഭിപ്രായപ്പെട്ടു. ഇക്കാര്യത്തില്‍ ബി.ജെ.പിയുടെ ശുശീല്‍ കുമാര്‍ മോദിയും ആര്‍.ജെ.ഡിയുടെ ലാലുപ്രസാദ് യാദവും നിതീഷിന് പിന്നിലാണ്.
243 സീറ്റുകളിലേക്ക് നടക്കുന്ന തിരഞ്ഞെടുപ്പില്‍ 125 സീറ്റുകള്‍ ബി.ജെ.പി സഖ്യം നേടുമെന്നാണ് സര്‍വേ കണക്കാക്കുന്നത്. എന്നാല്‍,? ആര്‍.ജെ.ഡിയോടൊപ്പം ചേര്‍ന്ന് ആദ്യമായി തിരഞ്ഞെടുപ്പിനെ നേരിടുന്ന ഐക്യജനതാദളിന് 106 സീറ്റുകള്‍കൊണ്ട് തൃപ്തരാകേണ്ടിവരുമെന്നാണ് പ്രവചനം. മറ്റുള്ളവര്‍ 12 സീറ്റ് നേടും. മൊത്തം പോള്‍ ചെയ്യുന്ന വോട്ടിന്രെ 42 ശതമാനം എന്‍.ഡി.എ സഖ്യത്തിനും 40% ജെ.ഡി.യുആര്‍.ജെ.ഡി സഖ്യത്തിനും ലഭിക്കും. ഇഞ്ചോടിഞ്ച് പോരാട്ടമായിരിക്കും ബിഹാര്‍ ഇക്കുറി സാക്ഷ്യംവഹിക്കുകയെന്നും സര്‍വേ വ്യക്തമാക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha