ഇന്നലെയാണ് കശ്മീരില്‍ ബീഫ് നിരോധിച്ച് ഹൈക്കോടതി ഉത്തരവിട്ടത്. എന്നാല്‍ അതിന് പിന്നാലെ പ്രതിഷേധവുമായി വിഘടനവാദി നേതാക്കള്‍ രംഗത്തെത്തി. വിധിക്കെതിരെ ശക്തമായി പ്രതിഷേധിക്കാന്‍ ആഹ്വാനം ചെയ്താണ് നേതാക്കള്‍ രംഗത്തെത്തിയിരിക്കുന്നത്. ഇന്ന് കാശ്മീരില്‍ ഉടനീളം പ്രതിഷേധ സമരങ്ങള്‍ സംഘടിപ്പിക്കാനും താഴ്‌വരയില്‍ ശനിയാഴ്ച ബന്ദ് ആചരിക്കാനും ഹുറിയത്ത് കോണ്‍ഫറന്‍സ് നേതാവ് സയ്യദ് അലി ഷാ ഗിലാനി പ്രവര്‍ത്തകരോട് ആവശ്യപ്പെട്ടതാാണ് അറിയുന്നത്.

കോടതി വിധി മുസ്ലീങ്ങളുടെ വിഷയങ്ങളിലേക്കുള്ള കടന്നുകയറ്റമാണെന്നും മുസ്ലീം ഭൂരിപക്ഷ സംസ്ഥാനത്ത് അത് ഗുരുതരമായ പ്രത്യാഘാതങ്ങളുണ്ടാക്കുമെന്നും ഗിലാനി പറഞ്ഞു. മുസ്ലീം സമൂഹത്തെ പരിഗണിക്കാതെയാണ് കോടതി വിധി പുറപ്പെടുവിച്ചിരിക്കുന്നത്. ബി.ജെ.പിയും ആര്‍.എസ്.എസും സ്വീകരിക്കുന്ന രാഷ്ട്രീയ ലാക്കോടെയുള്ള തീരുമാനങ്ങള്‍ സംസ്ഥാനത്ത് വര്‍ഗീയ കലാപം സൃഷ്ടിക്കാന്‍ മാത്രമുള്ളതാണ്. കാശ്മീരികളുടെ സ്വാതന്ത്ര്യ പ്രക്ഷോഭങ്ങളെ വികലമായി ചിത്രീകരിക്കാനാണ് ഇന്ത്യയുടെ ഉദ്ദേശ്യമെന്നും ഗിലാനി കുറ്റപ്പെടുത്തി. അതേസമയം, വലിയ പെരുന്നാളിന് കന്നുകാലികളുടെ മാത്രം ഇറച്ചി ഭക്ഷിക്കാന്‍ നാഷ്ണല്‍ ഫ്രണ്ട് ചെയര്‍മാനും വിഘടനവാദി നേതാവുമായ നയീം ഖാന്‍ അനുയായികളോട് ആവശ്യപ്പെട്ടു. കോടതിയുടേയോ സര്‍ക്കാരിന്രെയോ ഉദ്യോഗസ്ഥരുടേയോ ഉത്തരവുകളല്ല, ശരിയത്ത് നിയമമാണ് മുസ്ലീങ്ങള്‍ അനുസരിക്കേണ്ടത്. മുസ്ലീങ്ങള്‍ എന്താണ് ഭക്ഷിക്കേണ്ടതെന്ന് കല്‍പ്പിക്കാന്‍ ലോകത്ത് മറ്റാര്‍ക്കും അവകാശമില്ല. 
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha