ജൈന മത ആചാരത്തെ മുന്‍നിര്‍ത്തി മുംബൈയില്‍ ഇറച്ചി വില്പന നിരോധിച്ച നടപടിയുടെ പ്രായോഗികതയെ ചോദ്യംചെയ്ത് മുംബയ് ഹൈക്കോടതി. മുംബയ് പോലൊരു മെട്രോപൊളിറ്റന്‍ നഗരത്തില്‍ നാല് ദിവസത്തോളം ഇറച്ചിവെട്ടും വില്പനയും നിരോധിക്കുന്നത് പ്രായോഗികമല്ലെന്ന് കോടതി നിരീക്ഷിച്ചു. ഇതു സംബന്ധിച്ച് സംസ്ഥാന സര്‍ക്കാരിനോടും ബ്രിഹന്‍മുംബയ് മുന്‍സിപ്പല്‍ കോര്‍പ്പറേഷനോടും(ബി.എം.സി)? ഹൈക്കോടതി വിശദീകരണം തേടി.

ഇറച്ചി നിരോധിച്ച തീരുമാനത്തിനെതിരെ മുംബയ് മട്ടന്‍ ഡീലേഴ്‌സ് അസോസിയേഷന്‍ നല്‍കിയ ഹര്‍ജി പരിഗണിക്കവെ നിയമത്തിന്രെ ഏത് വകുപ്പു പ്രകാരമാണ് ഇറച്ചിനിരോധനം ഏര്‍പ്പെടുത്തിയതെന്ന് അറിയിക്കണമെന്ന് ബി.എം.സിയോട് ഹൈക്കോടതി ആവശ്യപ്പെട്ടു. തുറന്ന സ്ഥലത്ത് ഇറച്ചി വെട്ടുന്നതും വില്ക്കുന്നതും ജൈന വിശ്വാസികള്‍ക്ക് ബുദ്ധിമുട്ടുണ്ടാക്കുമെങ്കില്‍ ഇതിനെതിരെ നിര്‍ദ്ദേശം നല്‍കാവുന്നതാണെന്ന് കോടതി അഭിപ്രായപ്പെട്ടു. മുംബയ് ഒരു മെട്രോപൊളിറ്റന്‍ സിറ്റിയാണ്. പെട്ടെന്നുള്ള ഇറച്ചി നിരോധനം ഒരു പരിഹാരമല്ല.

ഇറച്ചി വെട്ടുന്നതിനും വില്ക്കുന്നതിനുമാണ് നിരോധനം ഏര്‍പ്പെടുത്തിയിരിക്കുന്നത്. എന്നാല്‍,? പായ്ക്ക് ചെയ്ത ഇറച്ചി മാര്‍ക്കറ്റില്‍ ലഭിക്കുന്നുണ്ടെന്നും ഇതിന് നിരോധനമില്ലേ എന്നും കോടതി ചോദിച്ചു. അപ്പീലില്‍ വാദം കേള്‍ക്കല്‍ വെള്ളിയാഴ്ചത്തേയ്ക്ക് മാറ്റിയ കോടതി സംസ്ഥാന സര്‍ക്കാരിനോടും ബി.എം.സിയോടും ലഘു സത്യവാങ്മുലം സമര്‍പ്പിക്കാന്‍ ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha