2006 ജൂലായ് 11ന് അരങ്ങേറിയ മുംബൈ ട്രെയിന്‍ സ്‌ഫോടന പരമ്പര കേസുമായി ബന്ധപ്പെട്ട് 12 പേര്‍ കുറ്റക്കാരെന്ന് കോടതി. ഒരാളെ കുറ്റവിമുക്തനാക്കി. നിരോധിക്കപ്പെട്ട ഭീകരസംഘടനയായ സിമിയുടെ അംഗങ്ങളാണ് പ്രതികളില്‍ എല്ലാവരും. 

വിചാരണ നടന്ന മുംബൈ സ്‌പെഷല്‍ കോടതിയാണ് ഒമ്പത് വര്‍ഷം കഴിഞ്ഞ് ഇന്ന് വിധി പ്രഖ്യാപിച്ചത്. ശിക്ഷ അധികംതാമസിക്കാതെ പ്രഖ്യാപിക്കും. സ്‌ഫോടനപരമ്പരയില്‍ 188 പേര്‍ മരിക്കുകയും 800 പേര്‍ക്ക് പരിക്കേല്ക്കുകയും ചെയ്തിരുന്നു. പ്രതികളെന്ന് സംശയിക്കുന്ന പതിനഞ്ചുപേരെ ഇനിയും പിടികൂടാനുണ്ട്. 

2006 ജൂലായ് 11നാണ് മുംബൈ സബര്‍ബന്‍ ട്രയിനുകളുടെ ഫസ്റ്റ്ക്ലാസ് കമ്പാര്‍ട്ട്‌മെന്റുകളില്‍ ഏഴ് ആര്‍.ഡി.എക്‌സ് ബോംബുകള്‍ പൊട്ടിയത്. ഖാര്‍റോഡ് സാന്താക്രൂസ്, ജോഗേശ്വരിമാഹീം, മീരാ റോഡ് ഭയന്തര്‍, മാട്ടുംഗ മാഹീം, ബോറിവ്‌ലി എന്നിവടങ്ങളിലാണ് ലോക്കല്‍ ട്രെയിനുകളില്‍ സ്‌ഫോടനം നടന്നത്. മരിച്ചവരുടെ ബന്ധുക്കളില്‍ പലര്‍ക്കും നഷ്ടപരിഹാരം കിട്ടാത്ത പരാതിയും ഉയര്‍ന്നിട്ടുണ്ട്. ഇവര്‍ നീതിതേടി മനുഷ്യവാകാശ കമ്മീഷനെ സമീപിച്ചിരിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha