ഗണേശ ചതുര്‍ത്തി ആഘോഷവും ജൈനമത വിശ്വാസികളുടെ \'പാര്യുഷന്‍\' ഉത്സവവും കണക്കിലെടുത്ത് ഛത്തീസ്ഗഡ് സര്‍ക്കാരും സംസ്ഥാനത്ത് ഇറച്ചി വില്പന നിരോധിച്ചു. സെപ്തംബര്‍ 10 മുതല്‍ ഗണേശചതുര്‍ത്ഥി ദിനമായ സെപ്തം. 17 വരെയാണ് നിരോധനം. പാര്യൂഷനും ഗണേശചതുര്‍ത്ഥിയും മുന്‍നിര്‍ത്തി കശാപ്പ് ശാലകളും ഇറച്ചി വില്പനശാലകളും അടച്ചിടാന്‍ എല്ലാ വര്‍ഷത്തെയും പോലെ നഗരസഭകള്‍ക്ക് നഗരവികസന വകുപ്പ് നിര്‍ദ്ദേശം നല്‍കിയതായി ഡെപ്യൂട്ടി സെക്രട്ടറി ജിതേന്ദ്ര ശുക്‌ള പറഞ്ഞു. ഉത്തരവ് ലംഘിക്കുന്നവര്‍ക്കെതിരെ കര്‍ശന നടപടികള്‍ സ്വീകരിക്കുമെന്നും മുന്നറിയിപ്പുണ്ട്. പാര്യൂഷന്‍ ആചാരം മുന്‍നിര്‍ത്തി 2011 മുതലാണ് ഛത്തീസ്ഗഡ് സര്‍ക്കാര്‍ ഇറച്ചി വില്പനയ്ക്ക് നിരോധനം ഏര്‍പ്പെടുത്തിത്തുടങ്ങിയത്.  മുംബയിലും മഹാരാഷ്ട്രിയിലും രാജസ്ഥാനിലും ജൈന മത ഉപവാദ ദിനങ്ങളില്‍ ഇറച്ചി നിരോധനം ഏര്‍പ്പെടുത്തിയത് വിവാദമായ പശ്ചാത്തലത്തിലും തീരുമാനവുമായി ഛത്തീസ്ഗഡ് സര്‍ക്കാര്‍ മുന്നോട്ടു പോകുകയായിരുന്നു. അതേസമയം, പഞ്ചാബിലെ ലുധിയാനയിലും ജൈന ഉപവാസം പ്രമാണിച്ച് ഒരു ദിവസം ഇറച്ചി വില്പനയ്ക്ക് നിരോധനം ഏര്‍പ്പെടുത്തി. ജൈന \'സംവത്സരി\' ആഘോഷം നടക്കുന്ന സെപ്തംബര്‍ 17 ന് ലുധിയാന പൊലീസ് കമ്മീഷണറേറ്റ് പരിധിയിലാണ് നിരോധനം. ലുധിയാന പൊലീസ് കമ്മീഷണറുടേതാണ് ഉത്തരവ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha