എ ആര് റഹ്മാനെതിരെ ഇന്ത്യന് മുസ്ലിം സംഘടനയുടെ ഫത്വ
ഓസ്കര് പുരസ്കാര ജേതാവായ ഇന്ത്യന് സംഗീതജ്ഞന് എ.ആര്. റഹ്മാനും ഇറാനിയന് ചലച്ചിത്ര സംവിധായകനായ മജീദി മജീദിയ്ക്കുമെതിരെ മുംബൈ ആസ്ഥാനമായുള്ള മുസ്ലിം സംഘടനയുടെ ഫത്വ. സുന്നി സംഘടനയായ റാസാ അക്കാദമിയാണ് ഇരുവര്ക്കുമെതിരെ ഫത്വ പുറപ്പെടുവിച്ചിരിക്കുന്നത്.
പ്രവാചകന് മുഹമ്മദ് നബിയെക്കുറിച്ചുള്ള \'മുഹമ്മദ്: ദി മെസഞ്ചര് ഓഫ് ഗോഡ്\' എന്ന സിനിമയാണ് ഇരുവര്ക്കുമെതിരായ ഫത്വയ്ക്ക് ആധാരം. മജീദി മജീദി സംവിധാനം ചെയ്ത ഈ ചിത്രത്തിന് സംഗീത സംവിധാനം നിര്വഹിച്ചിരിക്കുന്നത് എ.ആര്. റഹ്മാനാണ്. നബിയെ ചിത്രീകരിക്കുകയോ ദൃശ്യവല്ക്കരിക്കുകയോ ചെയ്യരുതെന്ന കല്പനയുടെ ലംഘനമാണ് നബിയെക്കുറിച്ചുള്ള ചലച്ചിത്രസൃഷ്ടിയെന്ന് സംഘടന കുറ്റപ്പെടുത്തി.
നേരത്തെ, ചിത്രത്തിന്റെ പ്രദര്ശനത്തിന് ഇന്ത്യയില് നിരോധനം ഏര്പ്പെടുത്തണമെന്ന് ആവശ്യപ്പെട്ട് സംഘടന കേന്ദ്ര ആഭ്യന്തരമന്ത്രി രാജ്നാഥ് സിങ്ങിനെയും മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസിനെയും സമീപിച്ചിരുന്നു. ഇതിന് പിന്നാലെയാണ് ഇരുവര്ക്കുമെതിരെ ഫത്വ പുറപ്പെടുവിച്ചിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
