ഒറ്റയാള്‍പോരാട്ടത്തിന്റെ അടങ്ങാത്ത ശൗര്യം. ബാപ്പു സൂരത്ത് സിംഗ് എന്ന സാമൂഹ്യ പ്രവര്‍ത്തകന്‍ കഴിഞ്ഞ 254 ദിവസമായി നിരാഹാര സമരത്തിലാണ്. 83കാരനായ ഈ മനുഷ്യന്‍ ഇത്രയും കാലം നിരാഹാര സമരം നടത്തിയതായോ അതിന് പിന്നിലെ ആവശ്യങ്ങള്‍ എന്താണെന്നുള്ള കാര്യങ്ങള്‍ ചര്‍ച്ച ചെയ്യപ്പെടുന്നതും ജനങ്ങള്‍ അറിയുന്നതും ഇപ്പോഴാണ്. ആരും അറിയരുതെന്ന് അധികാരത്തിലുള്ളവര്‍ ആഗ്രഹിച്ചതിന് പിന്നിലും കാരണമുണ്ട്.
സിഖ് രാഷ്ട്രീയ തടവുകാരെ മോചിപ്പിക്കണമെന്ന് ആവശ്യപ്പെട്ടാണ് പഞ്ചാബ് ഹസന്‍പൂരിലെ ബാപ്പു സൂരത്ത് സിംഗ് എന്ന സാമൂഹ്യ പ്രവര്‍ത്തകന്‍ നിരാഹാര സമരം ആരംഭിച്ചത്. മരണം വരം നിരാഹാരം കിടക്കുമെന്നാണ് ബാപ്പുവിന്റെ പ്രഖ്യാപനം. അതിപ്പോള്‍ 254 ദിവസം പിന്നിട്ടിരിക്കുകയാണ്. എന്നാല്‍ മറ്റ് സമരങ്ങളെപോലെ കൊടിപിടിക്കുന്ന ആരും ഇതിന് എക്യദാര്‍ഢ്യം പ്രഖ്യാപിച്ച് എത്തിയില്ല. അതുകൊണ്ട് തന്നെ വാര്‍ത്താമാധ്യമങ്ങള്‍ ഇതിന് വേണ്ടത്ര പ്രാധാന്യം നല്‍കാതെ പോയി.
സിഖ് തടവുകാരില്‍ ഭൂരിഭാഗവും 15 മുതല്‍ 20 വര്‍ഷത്തിലധികം തടവില്‍ കഴിഞ്ഞവരാണ്. ഇവരെമോചിപ്പിക്കണമെന്നാണ് ബാപ്പുവിന്റെ ആവശ്യം. എന്നാല്‍ പൊലീസിന്റെ സഹായത്തോടെ പഞ്ചാബ് സര്‍ക്കാര്‍ സമരത്തെ പരാജയപ്പെടുത്താനാണ് ശ്രമിക്കുന്നതെന്ന് ബാപ്പുവിനൊപ്പമുള്ളവര്‍ പറയുന്നു. സമരം പ്രഖ്യാപിച്ചതോടെ ബാപ്പുവിന്റെ കുടുംബത്തെയും പൊലീസ് വെറുതെ വിട്ടില്ല. യുഎസില്‍ നിന്ന് നാട്ടിലെത്തിയ മകന്‍ രവീന്ദര്‍ സിംഗിനെ രണ്ട് മാസത്തോളം പൊലീസ് കസ്റ്റഡിയിലെടുത്ത് പീഡിപ്പിച്ചെന്നും ഇവര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha