മോഡിയ്ക്ക് വിമര്ശനവുമായി ശിവസേന: സോഷ്യല് മീഡിയ ഇല്ലാതെ തന്നെ നെഹ്റുവും ഇന്ദിരയുംപ്രശസ്തരായിരുന്നുവെന്ന് ശിവസേന, മോഡി പ്രശസ്തി ആഗ്രഹിക്കുന്നു
യുഎസ് സന്ദര്ശനം കഴിഞ്ഞ് ഇന്ത്യയിലേക്ക് തിരിച്ച പ്രധാനമന്ത്രി നരേന്ദ്ര മോദിക്ക് വിമര്ശനവുമായി എന്ഡിഎ സഖ്യകക്ഷി ശിവസേന രംഗത്ത്. സോഷ്യല് മീഡിയ ഇല്ലാതെ തന്നെ കോണ്ഗ്രസ് പ്രധാനമന്ത്രിമാരായിരുന്ന ജവഹര്ലാല് നെഹ്റുവും ഇന്ദിരാ ഗാന്ധിയും പ്രശസ്തരായിരുന്നുവെന്നാണ് ശിവസേനയുടെ ഓര്മപ്പെടുത്തല്.\'എവിടെ പോയാലും മോദി വളരെ പ്രശസ്തനാണെന്നതില് സംശയമില്ല. എവിടെ പോയാലും മോദി... മോദി... എന്ന മുദ്രാവാക്യം മുഴങ്ങും. എന്നാല് സോഷ്യല് മീഡിയ ഇന്നുള്ളത് പോലെ ഇല്ലായിരുന്ന കാലത്തും നെഹ്റുവും ഇന്ദിരയും ലോക പ്രശസ്തരായിരുന്നു\' ശിവസേനയുടെ മുഖപത്രമായ സാമ്നയില് എഴുതിയ മുഖപ്രസംഗത്തില് പറഞ്ഞു.
മുന് കോണ്ഗ്രസ് പ്രധാനമന്ത്രിമാരായിരുന്ന മന്മോഹന് സിങ്ങിന്റെയും പി.വി. നരസിംഹറാവുവിന്റെയും സംഭവാനകളും ശിവസേന ഓര്മപ്പെടുത്തി.\'മോദിക്ക് ലഭിക്കുന്ന വലിയ പ്രശസ്തി അദ്ദേഹം നന്നായി ആസ്വദിക്കുന്നുണ്ട്. എന്നാല് ഇന്ത്യയുടെ സാമ്പത്തിക വളര്ച്ചയ്ക്ക് അടിസ്ഥാനമിട്ട മുന് പ്രധാനമന്ത്രിമാരായ മന്മോഹന് സിങ്ങിന്റെയും നരസിംഹറാവുവിന്റെയും സംഭവാനകള് മറക്കാന് സാധിക്കില്ല. രാജ്യം സാമ്പത്തിക പ്രതിസന്ധി നേരിടുന്ന കാലത്ത് അവര് കൃത്യമായ നിര്ദേശങ്ങളും രൂപവും നല്കി. രാഷ്ട്രീയമായി എതിര്പ്പുണ്ടെങ്കിലും അവരുടെ സംഭാവനകളെ കണ്ടില്ലെന്ന് നടിക്കാന് കഴിയില്ല\' ശിവസേന വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
