കനത്ത മഴയിലും വെള്ളപ്പൊക്കത്തിലും ചെന്നൈ നഗരത്തില്‍ 5500 ബസുകളാണ് കേടായത് .വെള്ളത്തില്‍ മുങ്ങിക്കിടന്ന ബസുകള്‍ അറ്റകുറ്റപ്പണികള്‍ തീര്‍ത്ത് പുറത്തിറങ്ങാന്‍ സമയമെടുക്കുന്നതിനാല്‍ തമിഴ്‌നാട് സ്‌റ്റേറ്റ് ട്രാന്‍സ്‌പോര്‍ട്ട് കോര്‍പ്പറേഷന്‍ സര്‍വീസ് നടത്താനാകാതെ ബുദ്ധിമുട്ടുകയാണ്.

കോര്‍പ്പറേഷന് പെരുമഴ ദുരിതത്തില്‍ 300 കോടി രൂപയുടെ നഷ്ടം സംഭവിച്ചതായാണ് കണക്കാക്കുന്നത്. തമിഴ്‌നാട് മെട്രോപ്പൊളിറ്റന്‍ ട്രാന്‍സ്‌പോര്‍ട്ട് കോര്‍പ്പറേഷന്റെ ബസുകളില്‍ 50 ശതമാനവും കേടായി. വില്ലുപുരം, കടലൂര്‍, കാഞ്ചീപുരം എന്നീ ഡിപ്പോകളിലുള്ള ബസുകള്‍ക്കാണ് കേടുപാടുകള്‍ സംഭവിച്ചത്. 

ബസുകളുടെ എയര്‍ സസ്‌പെന്‍ഷന്‍, സ്പ്രിങ് ലീഫുകള്‍, എയര്‍ ഫില്‍ട്ടറുകള്‍ തുടങ്ങിയ ഭാഗങ്ങള്‍ക്കാണ് പ്രധാനമായും കേടുപാടു സംഭവിച്ചത്. ആവശ്യമായ സ്‌പെയര്‍പാര്‍ട്‌സുകള്‍ കിട്ടാന്‍ താമസമെടുക്കുന്നതും പ്രതിസന്ധിയായിട്ടുണ്ട്. ഡിപ്പോയില്‍ ബസുകള്‍ നന്നാക്കാനുള്ള സംവിധാനങ്ങളും വെള്ളത്തിനടിയിലായി നശിച്ചു. ഇതും കോര്‍പ്പറേഷനെ പ്രതിസന്ധിയിലാക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha