ബോളിവുഡ് താരം ജിയാ ഖാന്‍ ആത്മഹത്യ ചെയ്ത സംഭവത്തില്‍ ഞെട്ടിക്കുന്ന വെളിപ്പെടുത്തലുമായി സി.ബി.ഐ കുറ്റപത്രം. ഗര്‍ഭിണിയായിരുന്ന ജിയാ ഖാന്റെ ഭ്രൂണം പുറത്തെടുത്ത് കാമുകന്‍ സൂരജ് പഞ്ചോളി ടോയ്‌ലറ്റില്‍ ഒഴുക്കിയെന്നത് അടക്കമുള്ള വെളിപ്പെടുത്തലുകളാണ് വെള്ളിയാഴ്ച സമര്‍പ്പിച്ച കുറ്റപത്രത്തിലുള്ളത്.
മലയാളത്തിലെ മുന്‍കാല നായിക സെറീന വഹാബിന്റെ മകനായ സൂരജുമായി ജിയാ ഖാന്‍ പ്രണയത്തിലായിരുന്നു. നാല് ആഴ്ച പ്രായമുള്ള ഗര്‍ഭമാണ് സൂരജും ജിയാ ഖാനും ചേര്‍ന്ന് അലസിപ്പിച്ചത്. തുടര്‍ന്ന് സ്വയം പുറത്തെടുത്ത ഭ്രൂണം സൂരജ് ടോയ്‌ലറ്റില്‍ നിക്ഷേപിച്ചുവെന്നും കുറ്റപത്രത്തില്‍ പറയുന്നു. മുംബൈ മിറര്‍ എന്ന മാധ്യമമാണ് കുറ്റപത്രത്തിലെ വിശദാംശങ്ങള്‍ പുറത്തുവിട്ടത്.
താന്‍ ഗര്‍ഭിണിയാണെന്ന് അറിഞ്ഞതോടെ ജിയയും സൂരജും ഒരു ഡോക്ടറെ സമീപിച്ച് ഗര്‍ഭഛിദ്രത്തിനുള്ള മരുന്ന് എഴുതി വാങ്ങി. എന്നാല്‍ ഇത് ഫലം കാണാതെ വന്നതോടെ മറ്റൊരു ഡോക്ടറെ സമീപിക്കുകയും കൂടുതല്‍ ഡോസ് കുടിയ മരുന്ന് വാങ്ങുകയും ചെയ്തു. ഫഌറ്റില്‍ എത്തി ഈ മരുന്ന് കഴിച്ചതോടെ രക്തസ്രാവം രൂക്ഷമാകുകയും ജിയയുടെ ആരോഗ്യനില വഷളാകുകയും ചെയ്തു.
ജിയയുമായി ഉടന്‍ ആശുപത്രിയില്‍ എത്താന്‍ ഇവരുടെ സുഹൃത്തായ ഒരു ഗൈനോക്കോളജിസ്റ്റ് ഫോണിലൂടെ നിര്‍ദ്ദേശിച്ചുവെങ്കിലും ബന്ധം പരസ്യമാകുമെന്നതിനാല്‍ ഇവര്‍ ആശുപത്രിയില്‍ പേകാന്‍ കൂട്ടാക്കിയില്ല. തുടര്‍ന്ന് സൂരജ് തന്നെ ഭ്രൂണം പുറത്തെടുക്കാന്‍ തയ്യാറാവുകയായിരുന്നു. അബോര്‍ഷന് ശേഷം സൂരജ്, ജിയയെ അവഗണിക്കാന്‍ തുടങ്ങിയതും മാനസികമായി തകര്‍ന്ന നടി ആത്മഹത്യ ചെയ്തുവെന്നാണ് സി.ബി.ഐ കുറ്റപത്രം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha