ഇന്ന് ഇന്ത്യൻ പ്രധാനമന്ത്രി നരേന്ദ്ര മോദി ബംളൂരുവിലെ ഇസ്ട്രാക്- സെന്ററിൽ എത്തിയിരുന്നു. ശാസ്ത്രജ്ഞന്മാരുമായി അദ്ദേഹം സംവദിച്ചു. നിർണായക പ്രഖ്യാപനങ്ങൾ നടത്തി. ഇപ്പോൾ ഇതാ പ്രധാനമന്ത്രിയുടെ സന്ദർശനവുമായി ബന്ധപ്പെട്ട് ശാസ്ത്രജ്ഞർ നിർണായക പ്രതികരണം നടത്തിയിരിക്കുകയാണ്. പ്രധാനമന്ത്രിയുടെ സന്ദർശനം ഊർജ്ജം പകരുന്നതായി ഐഎസ് ആർ ഒ ശാസ്ത്രജ്ഞർ പറഞ്ഞു .

ചരിത്ര ദൗത്യത്തിൽ പ്രധാനമന്ത്രിയുടെ പ്രചോദനം, വലിയ പങ്കു വഹിച്ചതായും ശാസ്ത്രജ്ഞർ പ്രതികരിച്ചു. ഞങ്ങൾ വളരെ സന്തുഷ്ടരാണ്.... ഞങ്ങളുടെ എല്ലാ ശ്രമങ്ങളെയും അദ്ദേഹം പ്രശംസിച്ചു.റോവർ ആദ്യമായി ചന്ദ്രനിൽ ഇറങ്ങുന്നത് കാണാൻ കഴിയുന്നത് ഒരു നല്ല അനുഭവമാണ്. ഞങ്ങളുടെ പരിശ്രമങ്ങളെയും ത്യാഗങ്ങളെയും അഭിനന്ദിക്കാൻ പ്രധാനമന്ത്രി വളരെയധികം സമയമെടുത്തു. ഞങ്ങൾ ഇതിലും മികച്ച എന്തെങ്കിലും കൊണ്ടുവരാൻ പോകുന്നു.

ആകാശത്തിന് അതിരല്ല. അദ്ദേഹം പറഞ്ഞത് പോലെ കൂടുതൽ വെല്ലുവിളി നിറഞ്ഞ ദൗത്യങ്ങളുമായി ഞങ്ങൾ പുറത്തുവരും . ചൊവ്വ ലാൻഡിംഗ് ദൗത്യം, ആദിത്യ-എൽ1 ദൗത്യം എന്നിവയുൾപ്പെടെ മറ്റ് നിരവധി ദൗത്യങ്ങളും പദ്ധതിയിലുണ്ട്, അത് ഉടൻ വിക്ഷേപിക്കും എന്നും അദ്ദേഹം പറഞ്ഞു. ഞങ്ങൾ ശരിക്കും സന്തോഷത്തിലാണ്. സാറിൽ നിന്ന് ഞങ്ങൾക്ക് ഒരുപാട് പ്രചോദനം കിട്ടി. . എന്നതടക്കമുള്ള പ്രതികരണമാണ് നടത്തിയിരിക്കുന്നത്.വേദങ്ങളിലെ ജ്യോതിശാസ്ത്ര സൂത്രവാക്യങ്ങൾ പഠിക്കാനും ശാസ്ത്രീയമായി തെളിയിക്കാനും പുതിയ തലമുറ മുന്നോട്ട് വരണമെന്നു ഇന്ത്യൻ പ്രധാനമന്ത്രി നരേന്ദ്ര മോദി പറഞ്ഞു .

ചന്ദ്രയാൻ -3 ന്റെ ചരിത്ര വിജയത്തിലൂടെ ശാസ്ത്രജ്ഞന്മാർ ദേശീയ പ്രൌഢി ചന്ദ്രനോളം എത്തിച്ചതായി നരേന്ദ്ര മോദി വ്യക്തമാക്കി. ചന്ദ്രയാൻ-3, ചന്ദ്രോപരിതലത്തിൽ ഇറങ്ങിയ സ്ഥലം ഇനിമുതൽ ശിവശക്തി ആയി അറിയപ്പെടുമെന്നും പ്രധാനമന്ത്രി പറഞ്ഞു.ഈ നൂറ്റാണ്ടിലെ ഏറ്റവും പ്രചോദനാത്മകമായ നിമിഷങ്ങളിൽ ഒന്നാണ് ചന്ദ്രയാൻ 3 -ചന്ദ്രോപരിതലത്തിൽ ഇറങ്ങിയ നിമിഷം.

ഇന്ന്, ലോകം മുഴുവൻ ഇന്ത്യയുടെ ശാസ്ത്രബോധത്തേയും സാങ്കേതിക വിദ്യയിലെ മികവിനെയും അംഗീകരിക്കുന്നു.ചന്ദ്രയാൻ -3 ന്റെ വിജയത്തിൽ വനിതാ ശാസ്ത്രജ്ഞരും വലിയ പങ്കുവഹിച്ചതായി പ്രധാനമന്ത്രി പറഞ്ഞു .ദക്ഷിണാഫ്രിക്ക, ഗ്രീസ് സന്ദർശനത്തിന് ശേഷം, രാവിലെയോടെയാണ് പ്രധാനമന്ത്രി ചന്ദ്രയാന്റെ വിജയശിൽപികളെ അഭിനന്ദിക്കാൻ ബെംഗളൂരുവിലെത്തിയത്.