അതിദാരുണകാഴ്ച.... പഞ്ചാബില്‍ ലോറിയും ട്രാക്ടറും കൂട്ടിയിടിച്ചുണ്ടായ അപകടത്തില്‍ ട്രാക്ടര്‍ ഡ്രൈവര്‍ക്ക് ദാരുണാന്ത്യം. അപകടത്തിനു പിന്നാലെ ട്രാക്ടറിന്റെ ടയറിനുള്ളില്‍ കുടുങ്ങിയ ഡ്രൈവര്‍ അര കിലോമീറ്ററോളം റോഡിലൂടെ നിരങ്ങിനീങ്ങി.

ഷാഹ്പുര്‍ ഗ്രാമത്തില്‍ ശനിയാഴ്ച രാവിലെയായിരുന്നു സംഭവം നടന്നത്. സംഭവത്തെ തുടര്‍ന്ന് പ്രദേശവാസികളും മരിച്ചയാളുടെ ബന്ധുക്കളും മണിക്കൂറുകളോളം റോഡ് ഉപരോധിക്കുകയായിരുന്നു, കരിങ്കല്ല് കയറ്റി വന്ന ലോറി മണല്‍ നിറച്ച ഡ്രാക്ടറിന്റെ പിന്നിലിടിച്ചാണ് അപകടം ഉണ്ടായത്.

ട്രാക്ടറിന്റെ ഡ്രൈവര്‍ സുഖ്‌ദേവ് സിങ്(21) ആണ് അപകടത്തില്‍ മരിച്ചത്. ബംഗ്ലാന്‍ ഖേര ഗ്രാമത്തില്‍ നിന്നുള്ള സുഖ്‌ദേവ് സിങ് ഇടിയുടെ ആഘാതത്തില്‍ നിലത്തു വീണു ട്രാക്ടറിന്റെ ടയറിനടിയില്‍ കുടുങ്ങിപ്പോയി. ട്രാക്ടറിന്റെ ടയറിനുള്ളില്‍ കുടുങ്ങിയ സുഖ്‌ദേവിനെയും കൊണ്ട് ലോറി നിര്‍ത്താതെ മീറ്ററുകളോളം മുന്നോട്ടു നീങ്ങി.

''അതിദാരുണമായിരുന്നു സംഭവം. അപകടത്തിനിരയായ ആളുടെ ശരീരഭാഗങ്ങള്‍ പലസ്ഥലങ്ങളിലേക്കും ചിതറി തെറിച്ചുപോയി. അപകടം മനസ്സിലാക്കിയ ലോറി ഡ്രൈവര്‍ ഓടിരക്ഷപ്പെട്ടെന്ന് പോലീസ്. അപകടത്തില്‍ മരിച്ച സുഖ്‌ദേവിന്റെ മൃതദേഹവും വഹിച്ച് പിതാവ് ജസ്വിന്ദര്‍ സിങ് അടക്കമുള്ളവര്‍ ആറു മണിക്കൂറോളം റോഡ് ഉപരോധിക്കുകയുണ്ടായി. കേസിലെ പ്രതിയെ എത്രയും പെട്ടെന്ന് അറസ്റ്റു ചെയ്യണമെന്ന് ആവശ്യപ്പെട്ടായിരുന്നു പ്രതിഷേധം. സംഭവത്തില്‍ അന്വേഷണം പുരോഗമിക്കുകയാണെന്നു പൊലീസ് .