സിപിഎം സംഘടനാ പ്ലീനത്തിന് കൊല്‍ക്കത്തയില്‍ തുടക്കമായി. എന്നാല്‍ കഴിഞ്ഞ ദിവസം വിഎസിനെ അനുകൂലിച്ച് സിപിഎം ജനറല്‍സെക്രട്ടറി സീതാറാം യെച്ചൂരി കഴിഞ്ഞ ദിവസം രംഗത്ത് വന്നതില്‍ കേരള ഘടകത്തിന് അതൃപ്തി. ഇന്ന് ആരംഭിക്കുന്ന സംഘടനാ ചര്‍ച്ചയിവല്‍ ഇക്കാര്യം ചര്‍ച്ചചെയ്യാനൊരുങ്ങുകയാണ് കേരളത്തിലെ ചില നേതാക്കള്‍. ഇന്നലെ പ്ലീനത്തിന് മുന്നോടിയായുള്ള പിബി, കേന്ദ്ര കമ്മിറ്റി യോഗങ്ങള്‍ ചേര്‍ന്നിരുന്നു. അവതരിപ്പിക്കേണ്ട കരട് റിപ്പോര്‍ട്ടിന് യോഗത്തില്‍ അന്തിമ അംഗീകാരം നല്‍കി. പത്ത് ലക്ഷംപേര്‍ പങ്കെടുക്കുന്ന റാലിയോടെയാണ് അഞ്ചുദിവസം നീണ്ടു നില്‍ക്കുന്ന പ്ലീനത്തിന് തുടക്കമാകുന്നത്.
പ്ലീനത്തില്‍ അവതരിപ്പിക്കുന്ന സംഘടനാ റിപ്പോര്‍ട്ടില്‍ നേതാക്കള്‍ക്കെതിരെ രൂക്ഷമായ വിമര്‍ശനം ഉന്നയിക്കുന്നുണ്ട്. ഉത്തരവാദിത്വങ്ങളില്‍ നിന്ന് ഒഴിഞ്ഞ് നില്‍ക്കുന്ന നേതാക്കളുടെ സമീപനം പാര്‍ട്ടിയ്ക്ക് ദോഷം ചെയ്യുന്നുവെന്ന് റിപ്പോര്‍ട്ടില്‍ പറയുന്നു. അമിതമായ ആത്മ വിശ്വാസം പാര്‍ട്ടിയുടെ പ്രവര്‍ത്തനങ്ങളെ ബാധിക്കുന്നു. വോട്ടെണ്ണലിന് മുമ്പ് നടത്തുന്ന വിലയിരുത്തലുകള്‍ പാളിപോകുന്നതിന് കാരണം അമിതമായ ആത്മ വിശ്വാസമാണ്.
കേരളത്തിലും ബംഗ്ലാദേശിലും പാര്‍ട്ടിയ്ക്ക് തകര്‍ച്ചയുണ്ടായ കാരണം കൃത്യമായി വിലയിരുത്തുന്നതില്‍ നേതൃത്വത്തിന് വീഴ്ച പറ്റി. കേരളത്തില്‍ മാത്രമല്ല ബംഗ്ലാളാദേശിലും നേതാക്കളെ കേന്ദ്രീകരിച്ച് വിഭാഗീയത ഉണ്ടെന്നും റിപ്പോര്‍ട്ടില്‍ പറയുന്നു. നിരന്തരം ചര്‍ച്ചകള്‍ നടത്തിയിട്ടും കേരളത്തില്‍ വിഭാഗീയത പൂര്‍ണ്ണമായും അവസാനിപ്പിക്കാന്‍ കഴിഞ്ഞില്ല.എന്നാല്‍ തദ്ദേശ തെരഞ്ഞെടുപ്പ് പാര്‍ട്ടിയ്ക്ക് അനുകൂലമായിരുന്നു.
31 അവസാനിക്കുന്ന പ്ലീനത്തില്‍ സംഘടനാപ്രവര്‍ത്തനങ്ങള്‍ മുതല്‍ ദേശീയ അന്തര്‍ദേശീയതലത്തില്‍ സ്വീകരിക്കേണ്ട നിലപാടുകള്‍ വരേയും ചര്‍ച്ചചെയ്യും. ദേശീയതലത്തില്‍ ബിജെപിയ്ക്ക് എതിരായി പൊതുവേദിയില്‍ കോണ്‍ഗ്രസിനോടൊപ്പം ചേരുമോ എന്ന കാരയം ചര്‍ച്ചയ്ക്ക് ശേഷമേ പറയനാകു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha