ആസിയാന്‍-ഇന്ത്യ, ഈസ്റ്റ് ഏഷ്യാ ഉച്ചകോടികളില്‍ പങ്കെടുക്കുന്നതിനായി പ്രധാനമന്ത്രി നരേന്ദ്ര മോദി ഇന്തോനേഷ്യയിലെത്തി. ഇന്ന് പുലര്‍ച്ചെ ജക്കാര്‍ത്ത വിമാനത്താവളത്തിലെത്തിയ നരേന്ദ്ര മോദിക്ക് ഊഷ്മളമായ സ്വീകരണമാണ് ഒരുക്കിയത്.

ആസിയാന്‍ രാജ്യങ്ങളിലെ നേതാക്കളുമായുള്ള കൂടിക്കാഴ്ചയില്‍ വിവിധ വിഷയങ്ങള്‍ ചര്‍ച്ചയാകും. ജക്കാര്‍ത്തയിലെത്തിയ വിവരം എക്‌സ് പ്ലാറ്റ്‌ഫോമിലൂടെയാണ് നരേന്ദ്രമോദി അറിയിച്ചത്. ജക്കാര്‍ത്തയിലെത്തിയെന്നും ആസിയാനുമായി ബന്ധപ്പെട്ട ചര്‍ച്ചയില്‍ നേതാക്കളുമായി ചേര്‍ന്ന് കൂടുതല്‍ മെച്ചപ്പെട്ട ?ലോകത്തെ കെട്ടിപടുക്കാന്‍ ശ്രമിക്കുമെന്നും നരേന്ദ്ര മോദി .

ആസിയാനുമായുള്ള ബന്ധം നയതന്ത്ര തലത്തില്‍ ഇന്ത്യക്ക് ഏറെ പ്രധാന്യമുള്ളതാണെന്നാണ് ഇന്തോനേഷ്യയിലേക്ക് പോകുന്നതിന് മുമ്പ് നരേന്ദ്ര മോദി പറഞ്ഞു. കഴിഞ്ഞ വര്‍ഷത്തെ നയതന്ത്ര പങ്കാളിത്തത്തിലൂടെ ആസിയാന്‍ രാജ്യങ്ങളും ഇന്ത്യയും തമ്മിലുള്ള ബന്ധം പുതിയതലത്തിലെത്തിയെന്നും അദ്ദേഹം അഭിപ്രായപ്പെട്ടിട്ടുണ്ടായിരുന്നു.

18 രാജ്യങ്ങളിലുള്ള പ്രതിനിധികള്‍ പങ്കെടുക്കുന്ന ഈസ്റ്റ് ഏഷ്യ ഉചകോടിയില്‍ വിവിധ രാജ്യങ്ങളിലെ ഭക്ഷ്യ-ഊര്‍ജ സുരക്ഷ, പരിസ്ഥിതി, ആരോഗ്യം, ഡിജിറ്റല്‍ സാങ്കേതികവിദ്യ തുടങ്ങിയ വിവിധ വിഷയങ്ങള്‍ ചര്‍ച്ച ചെയ്യും. ആഗോള വെല്ലുവിളികളെ നേരിടാന്‍ പൊതുവായ നടപടികളില്‍ പ്രയോഗികമായ സഹകരണം ഉറപ്പാക്കുന്നതിനുള്ള ചര്‍ച്ചയും നേതാക്കളുമായി നടത്തുമെന്ന് പ്രധാനമന്ത്രി നരേന്ദ്രമോദി .

ഉച്ചകോടികളില്‍ വിവിധ മേഖലകളിലെ വിഷയങ്ങളും ആഗോള വിഷയങ്ങളും നേതാക്കളുമായി ചര്‍ച്ചചെയ്യുമെന്ന് വിദേശ കാര്യ മന്ത്രാലയ വക്താവ് അരിന്ദം ബാഗ്ചി അറിയിച്ചു. ആസിയാന്‍-ഇന്ത്യ ഉച്ചകോടിയിലും 18ാമത് ഈസ്റ്റ് ഏഷ്യാ ഉച്ചകോടിയിലും പങ്കെടുത്തശേഷം വ്യാഴാഴ്ച തന്നെ പ്രധാനമന്ത്രി നരേന്ദ്ര മോദി ഇന്ത്യയിലേക്ക് മടങ്ങും. സെപ്തംബര്‍ ഒമ്പത്, പത്ത് തീയതികളില്‍ ഇന്ത്യയില്‍ ജി20 ഉച്ചകോടി നടക്കുന്നതിനാലാണ് പെട്ടന്ന് മടങ്ങുന്നത്.