ഡി.സി.സി.എ അഴിമതിയില് ജെയ്റ്റ്ലിയോട് കെജ്രിവാള് മാപ്പ് പറയണമെന്ന് ബി.ജെ.പി
ഡല്ഹി ക്രിക്കറ്റ് അസോസിയേഷന്(ഡി.ഡി.സി.എ) അഴിമതിയില് അടിസ്ഥാനരഹിതമായ ആരോപണങ്ങള് ഉന്നയിച്ച ഡല്ഹി മുഖ്യമന്ത്രി അരവിന്ദ് കെജ്രിവാള് മാപ്പ് പറയണമെന്ന് ബി.ജെ.പി. ഡല്ഹി സര്ക്കാരിന്റെ അന്വേഷണ കമ്മീഷന് നല്കിയ റിപ്പോര്ട്ടില് അരുണ് ജെയ്റ്റ്ലിയുടെ പേര് പരാമര്ശിച്ചിട്ടില്ലെന്ന വാര്ത്ത ചൂണ്ടിക്കാട്ടിയാണ് ബി.ജെ.പി പ്രതികരണം.
ധനകാര്യമന്ത്രി അരുണ് ജെയ്റ്റ്ലിയുടെ പേര് റിപ്പോര്ട്ടില് പറഞ്ഞിട്ടില്ല. ആരോപണങ്ങള് ഇല്ല, തെറ്റായി ഒന്നും പറഞ്ഞിട്ടുമില്ല. അതിനാല് അടിസ്ഥാനരഹിതമായ ആരോപണങ്ങള് ഉന്നയിച്ച കെജ്രിവാള് പരസ്യമായി മാപ്പ് പറയണമെന്ന് ബി.ജെ.പി വക്താവ് എം.ജെ അക്ബര് പറഞ്ഞു. മാത്രമല്ല തന്റെ തെറ്റുകള് കോടതിയില് തുറന്ന് സമ്മതിക്കാന് എ.എ.പി തയ്യാറാകണമെന്നും അക്ബര് പറഞ്ഞു.
അതേസമയം തെറ്റ് ചെയ്തിട്ടില്ലെന്ന് ഉറപ്പുണ്ടെങ്കില് ജെയ്റ്റ്ലി അന്വേഷണത്തെ ഭയക്കുന്നത് എന്തിനെന്ന് ആം ആദ്മി തിരിച്ചടിച്ചു. രാജ്യത്തിന് മാതൃകയാകുന്ന തരത്തില് ജെയ്റ്റ്ലി അന്വേഷണത്തെ നേരിടണമെന്ന് എ.എ.പി നേതാവ് അശുതോഷ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
